ଦାରିଙ୍ଗବାଡି,୧୨/୨- ଦାରିଙ୍ଗବାଡ଼ି ବ୍ଲକ ସିଆଙ୍ଗବାଲି ପଞ୍ଚାୟତ ଠାରେ ଗତ ୩ତାରିଖରୁ ଚାଲିଥିବା ନୂତନବର୍ଷ ବନ୍ଧୁତ୍ୱପୂର୍ଣ୍ଣ ଭଲିବଲ ଟୁର୍ଣ୍ଣାମେଣ୍ଟ୨୦୨୧ ଉଦଯାପିତ ହୋଇଯାଇଛି । ଏହି ଟୁର୍ଣ୍ଣାମେଣ୍ଟରେ ମୋଟ ୧୫ଟି ଦଳ ଅଂଶଗ୍ରହଣ କରିଥିବାବେଳେ ତରବାଡ଼ି ଏବଂ ଗ୍ରେଓଡି ଦଳ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା । ଏହି ସଂଘର୍ଷପୂର୍ଣ୍ଣ ମ୍ୟାଚରେ ତରବାଡ଼ି ଦଳ ଗ୍ରେଓଡି ଦଳକୁ ୩୪ ପଏଣ୍ଟ ବ୍ୟବଧାନରେ ପରାଜୟ କରି ଚମ୍ପିୟାନ ହୋଇଥିଲା । ଫାଇନାଲରେ ତରବାଡ଼ି ଦଳ ୬୪ ପଏଣ୍ଟ ପାଇଥିବା ବେଳେ ଗ୍ରେଓଡି ଦଳ ୩୦ ପଏଣ୍ଟ ପାଇଥିଲେ । ଫାଇନାଲ ମ୍ୟାଚରେ ମୁଖ୍ୟଅତିଥି ଭାବେ ଅବସରପ୍ରାପ୍ତ ବାଣିଜ୍ୟ ସେବାକର ବିଭାଗ କମିଶନର ଅମୀର ଚାନ୍ଦ ନାୟକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ବ୍ଲକ ଅଧକ୍ଷା ରୁଦା ମଲିକ, ବରିଷ୍ଠ କ୍ରୀଡ଼ାବିତ ଅବନୀ କୁମାର ସାହୁ, ସିଆଙ୍ଗବାଲି ସରପଞ୍ଚ ଅନିମା ପ୍ରଧାନ ,ସମିତିସଭ୍ୟ ରେବତୀ ପ୍ରଧାନ ପ୍ରମୁଖ ଯୋଗ ଦେଇଥିଲେ । ମୁଖ୍ୟ ଅତିଥି ଚମ୍ପିୟାନ ହୋଇଥିବା ତର ବାଡ଼ି ଦଳକୁ ଟ୍ରଫି ସହିତ ୩ହଜାର୧ଟଙ୍କା ଓ ରନର୍ସ ଅପ ଦଳକୁ ଟ୍ରଫି ସହିତ ୨ହଜାର ୧ଟଙ୍କା ପୁରସ୍କାର ରାଶି ପ୍ରଦାନ କରାଯାଇଥିଲା ଏହି ଟୁର୍ଣ୍ଣାମେଣ୍ଟକୁ ସିଆଙ୍ଗବାଲି ୟୁଥ କ୍ଲବ ତରଫରୁ ଆୟୋଜନ କରାଯାଇଥିବା ବେଳେ ଫାଇନାଲ ମ୍ୟାଚରେ ରେଫରି ଭାବେ ବିଦ୍ୟାଧର ମଲିକ ମ୍ୟାଚ ପରିଚାଳନା କରିଥିଲେ । ଆୟୋଜକ କମିଟିର ସଭାପତି ଶ୍ରୀନିବାସ ପ୍ରଧାନ, ଉପସଭାପତି -ଦେବରାଜ ପ୍ରଧାନ, ସମ୍ପାଦକ ଜିତେନ୍ଦ୍ର ପ୍ରଧାନ ପ୍ରମୁଖ ଉପସ୍ଥିତ ରହିଥିବାବେଳେ ପୁରସ୍କାର ବିତରଣ କାର୍ଯ୍ୟକ୍ରମକୁ ପ୍ରିୟବ୍ରତ ପ୍ରଧାନ ପରିଚାଳନା କରିଥିବାବେଳେ ସଞ୍ଜୟ ନାୟକ, ସୁମିତ ନାୟକ ,ଲେଙ୍କା ପ୍ରଧାନ, ଧର୍ମେନ୍ଦ୍ର ପ୍ରଧାନ ମନୋଜ ପ୍ରଧାନ ପ୍ରମୁଖ ସହଯୋଗ କରିଥିଲେ ।
