ଦାରିଙ୍ଗବାଡ଼ି୨୧/୫: ଦାରିଙ୍ଗବାଡ଼ି ତହସିଲ ପକ୍ଷରୁ ରାଜସ୍ୱ ବିଭାଗର ବିଭିନ୍ନ ସୁବିଧା ଲୋକଙ୍କୁ ଘର ପାଖରେ ଯୋଗାଇ ଦେବା ନେଇ ଲକଡାଉନ ସମୟରେ ରାଜସ୍ୱ ରଥ କାର୍ଯ୍ୟକ୍ରମ ତହସିଲଦାରଙ୍କ ନେତୃତ୍ୱରେ ଚାଲିଛି । ଆଜି ବ୍ଳକର ଆଭ୍ୟନ୍ତରୀଣ ଇଲାକା ବ୍ରାହ୍ମଣୀଗାଁ ଅଞ୍ଚଳର ବିଭିନ୍ନ ଗ୍ରାମରେ ପହଞ୍ଚି ଲୋକଙ୍କୁ ଜମି ପଟା ପ୍ରଦାନ କରିଛନ୍ତି । ତସିଲଦାର କଳାକୃଷ୍ଣ ପ୍ରଧାନ ଓ ଅତିରିକ୍ତ ତହସିଲଦାର ନରେନ୍ଦ୍ର ମଲିକଙ୍କ ନେତୃତ୍ୱରେ ରାଜସ୍ୱ ବିଭାଗର ବିଭିନ୍ନ ଜନହିତକାର ଯୋଜନାର ସୁବିଧା ଲୋକଙ୍କୁ ହାତପାହାନ୍ତାରେ ଯୋଗାଇ ଦିଆଯିବା ସହିତ କୋଭିଡ୍ ନିୟମ ନେଇ ସଚେତନ କରୁଥିବା ଦେଖିବାକୁ ମିଳିଛି ।
