ଦାରିଙ୍ଗବାଡ଼ି,୫/୮ : କନ୍ଧମାଳ ଜିଲା ଦାରିଙ୍ଗବାଡିରୁ ଆଜି ମୋଟ ୧୨ଜଣ ପଜିଟିଭ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରେ ଦାରିଙ୍ଗବାଡି ବିଡିଓଙ୍କ ସମେତ ବ୍ରାହ୍ମଣୀଗାଁ ଅଞ୍ଚଳର ଜଣେ ଅଙ୍ଗନବାଡ଼ି କର୍ମୀ ରହିଥିବା ବେଳେ ତୁଡୁକିବାଡି ଅଞ୍ଚଳରୁ ୭ଜଣ କଣ୍ଟେନମେଣ୍ଟ ଜୋନରୁ ଜଣେ ଓ ୩ଜଣ ପୂର୍ବରୁ ଚିହ୍ନଟ ହୋଇଥିବା ବ୍ୟକ୍ତିଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିବା ନେଇ ଜିଲ୍ଲାପାଳ ଟ୍ୱିଟ ଯୋଗେ ସୂଚନା ଦେଇଛନ୍ତି । ସୂଚନା ପ୍ରକାରେ ପୂର୍ବରୁ ଦାରିଙ୍ଗବାଡି ବ୍ଲକର ଜଣେ ସହକାରୀ ନିର୍ବାହୀ ଯନ୍ତ୍ରୀ ପଜିଟିଭ ଚିହ୍ନଟ ହେବାରୁ ତାଙ୍କର ଚିକିତ୍ସା ଚାଲିଥିବା ବେଳେ ବିଡିଓଙ୍କ ଠାରେ କରୋନା ଲକ୍ଷଣ ଦେଖାଯିବାରୁ ତାଙ୍କୁ ମଧ୍ୟ ଡାକ୍ତରଖାନା ରେ ଭର୍ତ୍ତି କରାଯାଇଥିଲା । ଏଥିସହିତ ବ୍ଲକ କର୍ଯ୍ୟାଳୟକୁ ସାନିଟାଇଜ କରାଯାଇ କାର୍ଯ୍ୟାଳୟକୁ ବନ୍ଦ କରାଯିବା ସହିତ ବ୍ଲକର ସମସ୍ତ କର୍ମଚାରୀଙ୍କୁ ଗୃହ ସଙ୍ଗରୋଧରେ ରହିବାକୁ ନିର୍ଦ୍ଦେଶ ଦିଆଯାଇଥିଲା ।
