ପାରଳାଖେମୁଣ୍ଡି,୧୧/୧୨- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିସ୍ଥିତ ବୋଷ ଡେନ୍ସ ଷ୍ଟୁଡ଼ିଓ ଠାରେ ଆନ୍ତର୍ଜାତୀୟ ମାନବ ଅଧିକାର ଦିବସ ନିରାଡମ୍ବର ଭାବେ ପାଳିତ ହୋଇଯାଇଛି । ଉକ୍ତ ସଭାରେ ମଞ୍ଜୁଳା ଚୌଧୁରୀଙ୍କ ସଭାପତିତ୍ୱରେ ଶିଶୁ , ପରିବାର ଓ ମହିଳା ବିଭାଗ , ରାଜ୍ୟ ସଭାପତି ଆଲୋକ କୁମାର ବୋଷ ମୁଖ୍ୟ ଅତିଥି ରୂପେ ଯୋଗ ଦେଇଥିବା ବେଳେ ଲିଗାଲ ଆଡଭାଇଜର ଆନ୍ତର୍ଜାତୀୟ ମାନବ ଅଧିକାର କାଉନସିଲ (ଓଡିଶା) ଶଶାଙ୍କ ଶେଖର ସାବତ ମୁଖ୍ୟବକ୍ତା ଭାବେ ଯୋଗ ଦେଇଥିଲେ । ଅତିଥି ଭାବେ ଜିଲ୍ଲା ଚାଇଲ୍ଡଲାଇନର ସଂଯୋଜକ ନାଗେଶ୍ୱର ଚୌଧୁରୀ ଓ ଆନ୍ତର୍ଜାତୀୟ ମାନବ ଅଧିକାର କାଉନସିଲ୍ ଗଜପତିର ସମ୍ପାଦକ ଲିଲି ସାହୁ ମଞ୍ଚାସୀନ କରି ମାନବ ଅଧିକାର ଓ ସୁରକ୍ଷାର ବିଭିନ୍ନ ବିଷୟ ଗୁଡିକ ସମ୍ପର୍କରେ ଅତିଥିମାନେ ବିସ୍ତୃତ ଆଲୋଚନା କରିଥିଲେ । ଆନ୍ତର୍ଜାତୀୟ ମାନବ ଅଧିକାର କାଉନସିଲ ଗଜପତିର ଅନ୍ୟ ସଭ୍ୟ / ସଭ୍ୟା ସୁନିତା ପଣ୍ଡା , ମନୋଜ ଚୌଧୁରୀ , ସୁଧା ଚୌଧୁରୀ , ଗିରିଶ ପାଢ଼ୀ , ଶୁସଦାଶ ଗୁରୁ , ସିନୁ ମିସାଲ , ପ୍ରବୀଣ କୁମାର ଲିମା ପ୍ରମୁଖ ଉପସ୍ଥିତ ଥିଲେ ।
