ପାରଳାଖେମୁଣ୍ଡି,୯/୧୦- ଗଜପତି ଜିଲ୍ଲା ବିଜେଡି ତରଫରୁ ତପ୍ତପାଣି ପାନ୍ଥନିବାସ ଠାରେ ଏକ ବୈଠକ ଅନୁଷ୍ଠିତ ହୋଇଯାଇଛି । ବିଜେଡ଼ିର ବରିଷ୍ଠ ନେତା ଦଣ୍ଡାସି ସାହୁଙ୍କ ତତ୍ୱାବଧାନରେ ହୋଇଥିବା ବୈଠକରେ ବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ ଯୋଗ ଦେଇଥିଲେ । ଏହି ବୈଠକରେ ଅକ୍ଟୋବର ୧୫ ତାରିଖରେ ମୋହନା ଠାରେ ଜୀବନବିନ୍ଦୁ ରକ୍ତଦାନ ଶିବିର ଆୟୋଜନ କରାଯିବ ବୋଲି ନିଷ୍ପତ୍ତି ହୋଇଥିବାର ଜଣାପଡ଼ିଛି । ବୈଠକର ପ୍ରାରମ୍ଭରେ ପୂର୍ବତନ କୃଷିମନ୍ତ୍ରୀ ତଥା ପିପିଲି ବିଧାୟକ ଦିବଙ୍ଗତ ପ୍ରଦୀପ ମହାରଥୀଙ୍କ ଅମରଆତ୍ମାର ସଦଗତି କାମନାକରି ନିରବପ୍ରାର୍ଥନା କରାଯାଇଥିଲା ।
