ପାରଳାଖେମୁଣ୍ଡି,୧୦/୧୦- ଗଜପତି ଜିଲ୍ଲାରେ ଆସନ୍ତା ୧୧ ରୁ ୧୩ ତାରିଖ ପର୍ଯ୍ୟନ୍ତ ତିନି ଦିନ ଧରି ଭୀଷଣ ବର୍ଷା ହେବାର ସମ୍ଭାବନା ରହିଛି ଏଥିପାଇଁ ରାଜ୍ୟ ସରକାର ଓ ପାଣିପାଗ ବିଭାଗ ତରଫରୁ ଜିଲ୍ଲାବାସୀଙ୍କୁ ସୂଚନା ଦିଆ ଯାଇଛି । ଗଜପତି ଜିଲ୍ଲାପାଳ ଅନୁପମ ସାହା ଏକ ଭିଡ଼ିଓ ବାର୍ତ୍ତା ଜାରି କରିଛନ୍ତି । ଯେଉଁମାନେ ପାହାଡ଼ ଉପରେ ବିପଦସଙ୍କୁଳ ସ୍ଥାନରେ କିମ୍ବା ଲେଣ୍ଡସ୍ଲାଇଡ଼ ସମ୍ଭାବିତ କ୍ଷେତ୍ରରେ ରହୁଛନ୍ତି ସେମାନେ ଦୟାପୂର୍ବକ ଅଧିକ ସତର୍କତା ଅବଲମ୍ବନ କରିବା ସହ ଉଚିତ ସମୟରେ ନିରାପଦ ସ୍ଥାନକୁ ତଥା ସ୍କୁଲ କିମ୍ବା ଅଙ୍ଗନବାଡି କେନ୍ଦ୍ରକୁ ଚାଲି ଆସନ୍ତୁ ବୋଲି ଗଜପତି ଜିଲ୍ଲାପାଳ ଅନୁପମ ସାହା ସମଗ୍ର ଜିଲ୍ଲାବାସୀଙ୍କୁ ଆଗାମୀ ୧୩ ତାରିଖ ପର୍ଯ୍ୟନ୍ତ ସତର୍କତା ଅବଲମ୍ବନ କରିବାପାଇଁ ଅନୁରୋଧ କରିଛନ୍ତି ।
