ପାରଳାଖେମୁଣ୍ଡି,୧୦/୧- ଗଜପତି ଜିଲ୍ଲା ଗୋଶାଣି ବ୍ଳକର ଗାରାବନ୍ଧସ୍ଥ ଶ୍ରୀ ଭେଙ୍କଟେଶ୍ୱର ଉଚ୍ଚ଼ ବିଦ୍ୟାଳୟ ପରିଦର୍ଶନ ଓ ନିରୀକ୍ଷଣ କରିବାପାଇଁ ଓ.ସେ.ପା ସହ ନିର୍ଦ୍ଦେଶକ ଉଦୟନାଥ ମାଝୀ ଗସ୍ତକରି ପରିଦର୍ଶନ ଓ ନିରୀକ୍ଷଣ କରିଥିଲେ । ଏହି ସମୟରେ ସେ ଓଡ଼ିଶା ଶିକ୍ଷା ବିଭାଗର କୋଭିଡ-୧୯ ଓ ଏସଓପି ଗାଇଡ ଲାଇନ ଅନୁସାରେ ବିଦ୍ୟାଳୟରେ ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ଶିକ୍ଷା ଦାନର ବ୍ୟବସ୍ଥା ନିରୀକ୍ଷଣ କରିବା ସହ ପରିବେଶ, ମାସ୍କ,ସାନିଟାଇଜର, ହାତଧୁଆ,ପାନୀୟ ଜଳ ଓ ଛାତ୍ର ଛାତ୍ରୀଙ୍କ ପାଇଁ ନିର୍ଦ୍ଦିଷ୍ଟ ପାଇଖାନାର ବନ୍ଦୋବସ୍ତ ପରିଦର୍ଶନ କରିଥିଲେ । ପରିଦର୍ଶନ ମଧ୍ୟରେ ସେ ବିଦ୍ୟାଳୟର ଆୟୋଜନରେ ପ୍ରଧାନ ଶିକ୍ଷକ ଏବଂ ସହକର୍ମୀଙ୍କ କାର୍ଯ୍ୟକୁ ପ୍ରଶଂସା କରିବା ସହ ବିଦ୍ୟାଳୟ ଉନ୍ନତିର ଶୁଭ କାମନା କରିଥିଲେ ।
