ଗଜପତି ,୨୦/୬- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡିର ଜୟ ଅଫ ଗିଭିଙ୍ଗ ଟ୍ରଷ୍ଟ ଅନୁଷ୍ଠାନ ପକ୍ଷରୁ ରିକ୍ସାଚାଳକଙ୍କୁ ରାସନ ସାମଗ୍ରୀ ସମେତ ପୋଷାକ ଆଦି ବଣ୍ଟନ କରାଯାଇ ଥିବାର ଦେଖିବାକୁ ମିଳିଛି । ବର୍ତ୍ତମାନ କରୋନା ମହାମାରୀ ଯୋଗୁଁ ସରକାରଙ୍କ ଦ୍ୱାରା କଟକଣା ଜାରି କରା ଯାଇଛି । ସେଥିରେ ବିଶେଷ ଭାବରେ ରିକ୍ସା ଚାଳକମାନଙ୍କ ଜୀବନ ଜୀବିକା ଉପରେ ପ୍ରଭାବ ପକାଇଛି । ଏହାକୁ ଦୃଷ୍ଟିରେ ରଖି ଜୟ ଅଫ ଗିଭିଙ୍ଗ ଟ୍ରଷ୍ଟର ନିହାର ପଣ୍ଡାଙ୍କ ନେତୃତ୍ୱରେ ସହରର ୧୬ଜଣ ରିକ୍ସା ଚାଳକଙ୍କୁ ଚାଉଳ,ତେଲ,ସାବୁନ,ମାସ୍କ,ସାନିଟାଇଜର,ପୋଷାକ,ଗାମୁଛା ଆଦି ବଣ୍ଟନ କରାଯାଇଛି । ଏହିସବୁ ସାମଗ୍ରୀ କିଣିବାପାଇଁ ପାରଳାଖେମୁଣ୍ଡିର ବିଜୟଲକ୍ଷ୍ମୀ ସାହୁ, ସୁଜାତା ପାଢ଼ୀ, ମଦିନା ମସଜିଦ, ଆନ୍ଧ୍ରର ଟେକିଲି ଗ୍ରାମର ଭି. ଭେଙ୍କଟେଶ ପ୍ରମୁଖ ଆର୍ଥିକ ସହାୟତା କରିଥିଲେ । ଏହି କାର୍ଯ୍ୟକ୍ରମରେ ଶିକ୍ଷକ ଶୈଳେନ୍ଦ୍ର କୁମାର ଯୋଗଦେଇ ରିକ୍ସା ଚାଳକଙ୍କୁ ବଣ୍ଟନ କରିଥିଲେ ।
