ଗଜପତି,୧୦/୬- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହର ଠାରେ ନୂତନ ଭାବେ ନିର୍ମାଣଧିନ ଥିବା ନୂତନ ଜଗନ୍ନାଥ ମନ୍ଦିରର ନିର୍ମାଣ କାର୍ଯ୍ୟକୁ ଗଜପତି ଜିଲ୍ଲା ଉପ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା ପରିଦର୍ଶନ କରିଛନ୍ତି । ବର୍ତ୍ତମାନ ଏହି ନିର୍ମାଣଧିନ ଜଗନ୍ନାଥ ମନ୍ଦିର ପରିସରରେ ଦେବସ୍ନାନ ମଣ୍ଡପ ନିର୍ମାଣ କାର୍ଯ୍ୟ ଚାଲୁରହିଛି । ଏହାକୁ ଉପ ଜିଲ୍ଲାପାଳ ସଂଗ୍ରାମ ଶେଖର ପଣ୍ଡା ପରିଦର୍ଶନ କରି ସନ୍ତୋଷ ବ୍ୟକ୍ତକରି ଏହି ନିର୍ମାଣ କାର୍ଯ୍ୟରେ ଯେ କୌଣସି ସହଯୋଗ ଆବଶ୍ୟକ ଥିଲେ ଜିଲ୍ଲା ପ୍ରଶାସନ ନିଶ୍ଚିତ ସହଯୋଗ ଯୋଗାଇ ଦେବ ବୋଲି କହିଥିଲେ । ଏହି ପରିଦର୍ଶନ ବେଳେ ସେଠାରେ ଦୁର୍ଗା ମାଧବ ପାଣିଗ୍ରାହୀ,ଖଲି ବରାଡ଼ ରାଜେନ୍ଦ୍ର ବେହେରା ପ୍ରମୁଖ ଉପସ୍ଥିତ ଥିଲେ ।
