ବୌଦ୍ଧ – କରୋନା ମହାମାରୀ ସଂକ୍ରମଣକୁ ଆଖି ଆଗରେ ରଖି ସତର୍କତା ମୁଳକ ପଦକ୍ଷେପ ସ୍ବରୂପ ବୌଦ୍ଧ ସହରର ତିନୋଟି ସ୍ଥାନରେ ପରିବା ବଜାର ବସାଇବାକୁ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି l ଜିଲ୍ଲା ପ୍ରଶାସନର ନିଷ୍ପତ୍ତି କ୍ରମେ ବୌଦ୍ଧ ଏନ.ଏ.ସି. ର ନିର୍ବାହୀ ଅଧିକାରୀ ମନୋରଂଜନ ପଣ୍ଡା ଆଜି ନୋଟିସ ଜାରୀ କରିଛନ୍ତି | ସେହିପରି ସର୍ବସାଧାରଣଙ୍କ ଅବଗତି ନିମନ୍ତେ ଡାକବାଜି ଯନ୍ତ୍ର ସାହାଯ୍ୟରେ ବୌଦ୍ଧ ସହରରେ ପ୍ରଚାର କରା ଯାଇଛି l ଦୈନିକ ପରିବା ବଜାର ବସିବା ସ୍ଥାନ ଗୁଡିକ ହେଲା 1-ସିଟି ସ୍କୁଲ ପଛପଟ ପଡିଆ 2- ଜଗନ୍ନାଥ ମନ୍ଦିର ସାମ୍ନା ପଡିଆ 3 – ବୁଟୁପାଲି (ମାଉଲୀସିଙ୍ଗା) ହାଇସ୍କୁଲ ପଡିଆ l
ସମସ୍ତ କ୍ରେତା ବିକ୍ରେତା ମାସ୍କ ପିନ୍ଧିବାକୁ ଓ ପରିବା ବିକାଳି ମାନେ ପରସ୍ପର ମଧ୍ୟରେ 6 ଫୁଟର ଦୂରତାରେ ପସରା ଖୋଲିବାକୁ ନିର୍ବାହୀ ଅଧିକାରୀ ଅନୁରୋଧ କରିଛନ୍ତି |
