ଫୁଲବାଣୀ:କନ୍ଧମାଳ ଜିଲ୍ଲା ବାଲିଗୁଡ଼ା ଥାନା ଅନ୍ତର୍ଗତ ଆଡିମାହା ପଞ୍ଚାୟତ ଲିଙ୍ଗେରୀସାହିରେ ସ୍ୱୟଂ ସହାୟକ ଗୋଷ୍ଠି ଦ୍ୱାରା ଲକ୍ଷ ଲକ୍ଷ ଟଙ୍କାର ପୋଚ ନଷ୍ଟ ହେବା ସହ ମଦ ରନ୍ଧା ହେଉଥିବା ଭାଟିକୁ ଭାଙ୍ଗାଯାଇଛି । ଏହି ଗ୍ରାମରେ ପୂର୍ବରୁ ଗ୍ରୁପ ମା ମାନେ ଏକତ୍ରିତ ହୋଇ ମଦ ରନ୍ଧାଳି ଓ ମଦ ବିକୁଥିବା ଲୋକଙ୍କୁ ବୁଝେଇ ଆସୁଥିଲେ । ଏହାକୁ କେତେକ ଅମାନିଆ ନ ମାନିବାରୁ ସକାଳୁ ବାଲିଗୁଡ଼ା ଥାନାକୁ ଖବର ଦେଇଥିଲେ । ବାଲିଗୁଡ଼ା ଥାନା ଏସଆଇ କୁଳମଣି ରାଉତ ଓ ଏକ ଟିମ, ମା ଗ୍ରୁପଙ୍କ ଚଢ଼ାଉରେ ଭାଟି ଭାଙ୍ଗିବା ସହ ପୋଚ ନଷ୍ଟ କରାଯାଇଛି ଏବଂ ମଦ ରାନ୍ଧୁଥିବା ଲୋକଙ୍କ ନାମରେ ମାମଲା ରୁଜୁ କରାଯାଇ ତଦନ୍ତ କରାଯିବ ବୋଲି ସୂଚନା ଦେଇଛନ୍ତି ବାଲିଗୁଡ଼ା ଥାନା ଭାର ପ୍ରାପ୍ତ ଅଧିକାରୀ ପ୍ରଶାନ୍ତ କୁମାର ବେହେରା ।
