କଣ୍ଟାବାଞ୍ଜି,୧୧/୧: ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ସହରର ପରିମଳ ବିପର୍ଯ୍ୟସ୍ତ ହୋଇପଡିଛି । ସହରର ମୁଖ୍ୟ ରାସ୍ତା, ଛକ, ସରକାରୀ ଓ ବେସରକାରୀ ଅନୁଷ୍ଠାନ ଗୁଡିକ ସମ୍ମୁଖରେ କୁଢକୁଢ ଆବର୍ଜନା ପଡିଥିବା ଦେଖିବାକୁ ମିଳିଛି । ନିର୍ବାଚନମଣ୍ଡଳୀର ମୁଖ୍ୟ କେନ୍ଦ୍ର ଓ ବିଜ୍ଞାପିତ ଅଞ୍ଚଳ ପରିଷଦ ସତ୍ତେ୍ୱ ଜଟିଳ ହୋଇଛି ପରିମଳ ବ୍ୟବସ୍ଥା । ଏସବୁ ଆବର୍ଜନା ଡ୍ରେନେଜ ସିଷ୍ଟମକୁ ମଧ୍ୟ ବାଧିତ କରୁଛି । ଆବର୍ଜନା ଓ ପଚାଗନ୍ଧରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ତେଣୁ ଏହାର ସମାଧାନ ପାଇଁ ଏନଏସି କର୍ତ୍ତୃପକ୍ଷ ଦୃଷ୍ଟିଦେବାକୁ ଦାବି ହେଉଛି । ନହଲେ ଆଗକୁ ବିଭିନ୍ନ ରୋଗ ସୃଷ୍ଟି ହେବାର ଆଶଙ୍କା ରହିଛି ।
