କଣ୍ଟାମାଳ,୭/୮- ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ନୂଆପାଲି ଆଦିବାସୀ ଉଚ୍ଚ ବିଦ୍ୟାଳୟର ମୋ ସ୍କୁଲ ଅଭିଯାନରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ କଣ୍ଟାମାଳ ବିଧାୟକ ତଥା ଜିଲ୍ଲା ଯୋଜନାବୋର୍ଡ ଅଧ୍ୟକ୍ଷ ମହୀଧର ରଣା ଓ ସମ୍ମାନୀତ ଅତିଥି ଭାବେ ବୌଦ୍ଧ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଯୋଗଦେଇ ନୂତନ ଶ୍ରେଣୀଗୃହ କୋଠା ଉଦଘାଟନ ଏବଂ ଉଦ୍ୟାନ ଓ ବିଦ୍ୟାଳୟ ସୌନ୍ଦର୍ଯ୍ୟକରଣ ର ଭିତ୍ତିପ୍ରସ୍ତର ସ୍ଥାପନ କରିଥିଲେ । ଏହି ଅବସରରେ ବିଦ୍ୟାଳୟ ପରିବେଶକୁ ସବୁଜ ସୁନ୍ଦର କରିବା ପାଇଁ ବିଧାୟକ ଶ୍ରୀ ରଣା ଓ ଜିଲ୍ଲାପାଳ ବୌଦ୍ଧ ଶ୍ରୀ ମିଶ୍ର ବିଦ୍ୟାଳୟ ଓ ମନ୍ଦିର ଚତୁଃପାଶ୍ୱର୍ରେ ବୃକ୍ଷ ଚାରା ରୋପଣ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା ଶିକ୍ଷା ଅଧିକାରୀ ଗେନ୍ଦ୍ରା କୁଜୁର,ପିଡି ଡିଆରଡିଏ ବୌଦ୍ଧ ଶ୍ରୀମତି ବବିତାରାଣୀ ଦଳବେହେରା,ଏଡିଇଓ ବୌଦ୍ଧ ଘନଶ୍ୟାମ ମେହେର,ବିଡିଓ କଣ୍ଟାମାଳ ଶ୍ରୀମତି ବନ୍ଦନା ଖଟୁଆ,ରେଞ୍ଜର କଣ୍ଟାମାଳ ସୁଶ୍ରୀ କ୍ଷୀରାବ୍ଧୀ ପ୍ରଧାନ,ଏବିଇଓ ଦୁର୍ଗାଚରଣ ପ୍ରଧାନ, ବିଦ୍ୟାଳୟ ଉପଦେଷ୍ଟା ଦିବ୍ୟଶଙ୍କର ରାଉତ ,ବ୍ଲକ ସହକାରୀ ନିର୍ବାହୀଯନ୍ତ୍ରୀ ସୋମନାଥ ଭୂୟାଁ,କୁଲୁତାଯୋର ସରପଞ୍ଚ ଶ୍ରୀମତି ପଦ୍ମାବତୀ ରଣା,ସମିତିସଭ୍ୟା ବିଳାସ କ୍ଷେତୀ,ପରିବେଶପ୍ରେମୀ ଦେବେନ୍ଦ୍ର କୁଦେଇ ପ୍ରମୁଖ ଯୋଗଦେଇଥିଲେ । ବିଦ୍ୟାଳୟ ପ୍ରଧାନ ଶିକ୍ଷକ ଅନନ୍ତ କୁମାର କ୍ଷେତୀ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ବିଦ୍ୟାଳୟର ସମସ୍ତ ଶିକ୍ଷକ ସହଯୋଗ କରିଥିଲେ ।
