ଖପ୍ରାଖୋଲ,୧୪/୮- ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ଭାନୁପୁର ପଞ୍ଚାୟତ ବୁରୋମାଲ ଗାଁର ଶ୍ରୀକର ଭୋଇଙ୍କ ଅଦିନିଆ ବର୍ଷା ଯୋଗୁଁ ଘର ସଂପୂର୍ଣ୍ଣ ଭାବେ ଭାଙ୍ଗିି ପଡ଼ିଥିବା ଦେଖିବାକୁ ମିଳିଛି । ଫଳରେ ପରିବାର ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ସ୍ଥାନୀୟ ସରପଞ୍ଚ ତ୍ରିନାଥ ବାରିକ ଖବରପାଇ ଶ୍ରୀକର ଭୋଇଙ୍କ ଘରକୁ ପହଞ୍ଚି ପଲିଥିନ, ଚାଉଳ ଦେଇଥିବା ଜଣାପଡିଛି । ତାଙ୍କର ନାଁ ରେ ଯଥାଶୀଘ୍ର ଆର୍ଥିକ ସହାୟତା ଯୋଗାଇ ଦିଆଯିବା ସହ ପ୍ରଧାନମନ୍ତ୍ରୀ ଆବାସ ଯୋଜନାରେ ଘରଯୋଗାଇ ଦିଆଯିବ ବୋଲି ସରପଞ୍ଚ ତ୍ରିନାଥ ବାରିକ ପ୍ରତିଶ୍ରୁତି ଦେଇଛନ୍ତି ।
