ଖପ୍ରାଖୋଲ,୫/୧୦- ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ଭାନପୁର ପଞ୍ଚାୟତ ଉଚ୍ଚ ବିଦ୍ୟାଳୟ ଠାରେ ସେବା ଚେରିଟେବୁଲ୍ ଟ୍ରଷ୍ଟ ଓ ସୈାମ୍ୟ ସେବା ଫାଉଣ୍ଡେସନର ମିଳିତ ଆନୁକୁଲ୍ୟରେ ମାଗଣା ସ୍ୱାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି । ସେବା ଚେରି ଟେବୁଲ୍ ଟ୍ରଷ୍ଟର ମୁଖ୍ୟ ଉପଦେଷ୍ଟା ସତ୍ୟନାରାୟଣ ଭୋଇ ଓ ସଭାପତି ସୁନୀଲ ସିଂ ଯୋଗଦେଇ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ସ୍ୱର୍ଗତ ଡା ସୈ ।ମ୍ୟ ରଞ୍ଜନଙ୍କ ସ୍ମୃତି ଉଦ୍ଦେଶ୍ୟରେ ଫାଉଣ୍ଡେସନ ତରଫରୁ ବଲାଙ୍ଗୀର ଜିଲ୍ଲାର ଉପାନ୍ତ ତଥା ଆଦିବାସୀ ଅଧ୍ୟୁଷିତ ଅଞ୍ଚଳ ଗୁଡ଼ିକରେ ମାଗଣା ସ୍ୱାସ୍ଥ୍ୟ ସେବା ଯୋଗାଇ ଦେବା ଏକ ପ୍ରୟାସ ବୋଲି ଆୟୋଜକଙ୍କ ତରଫରୁ ଜଣାପଡିଛି । ଏହି ଶିବିରରେ ଭାନପୁର ପଞ୍ଚାୟତ ସମେତ ଆଖପାଖ ଅଞ୍ଚଳରୁ ଶତାଧିକ ରୋଗୀମାନେ ଆସି ସ୍ୱାସ୍ଥ୍ୟ ପରୀକ୍ଷା କରାଇବା ସହିତ ମାଗଣାରେ ଔଷଧ ନେଇଥିଲେ । ସ୍ଥାନୀୟ ସରପଞ୍ଚ ତ୍ରିନାଥ ବାରିକ ଶିବିର ପାଇଁ ଉଚ୍ଚ଼ବିଦ୍ୟାଳୟରେ ସମସ୍ତ କରିଥିଲେ । ଟ୍ରଷ୍ଟ ପକ୍ଷରୁ ଆୟୋଜିତ ମହତ୍ କାର୍ଯ୍ୟକ୍ରମରେ ଟ୍ରଷ୍ଟର ଗିରିଧାରୀ ଭୋଇ , ପ୍ରକାଶ ସିଂ , ଲିଙ୍ଗରାଜ ପୋଢ , ଚୈତନ୍ୟ ବାଗଙ୍କ ସମେତ ଅନ୍ୟ ସଦସ୍ୟମାନେ ଉପସ୍ଥିତ ରହି ପୂର୍ଣ୍ଣ ସହଯୋଗ କରିଥିଲେ । ସେବା ଚେରି ଟେବୁଲ୍ ଟ୍ରଷ୍ଟ ଓ ସୈ ।ମ୍ୟ ସେବା ଫାଉଣ୍ଡେସନ ଦ୍ୱାରା ଆୟୋଜିତ ଏହି ମହତ୍ କାର୍ଯ୍ୟକ୍ରମକୁ ଅଂଚଳରେ ପ୍ରଶଂସା କରାଯାଇଛି ।
