ଖପ୍ରାଖୋଲ,୨୬/୧୨- ବେଲପଡା ବ୍ଲକ ମଣ୍ଡଳ ଗ୍ରା.ପ ଅନ୍ତର୍ଗତ ସର୍ଗିଗୁଡା ଠାରେ ଗୁରୁବୁଢ଼ା କ୍ରିକେଟ କ୍ଲବ ଆନୁକୂଲ୍ୟରେ ପଞ୍ଚମ ବର୍ଷ ଏକ ଦିବସିୟ କ୍ରିକେଟ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ୮ଟି ଦଳ ଅଂଶ ଗ୍ରହଣ କରିଥିଲେ । ପ୍ରଥମ ପର୍ଯ୍ୟାୟରୁ ସଂଘର୍ଷ ପୂର୍ଣ ମ୍ୟାଚ ଖେଳ ଆଜି ଫାଇନାଲ ଖେଳରେ ଭରୁଆମୁଣ୍ଡା ବିପକ୍ଷରେ ମାଳିଝର ଦଳ ତୃତୀୟ ଓଭର ବିଶିଷ୍ଟ ଫାଇନାଲ ଖେଳରେ ଭରୁଆମୁଣ୍ଡା ଚମ୍ପିୟାନ ହୋଇଥିଲା ।ଆଜିର ଖେଳକୁ ଅମ୍ପାୟାର ଚୁଡାମଣି ବାଗ ଓ କୁରିନ ଭୋଇ ପରିଚାଳନା କରିଥିବାବେଳେ ସ୍କୋରର ଭାବେ ମୃତ୍ୟୁଞ୍ଜୟ ଭୋଇ ଦାୟିତ୍ୱ ତୁଲାଇଥିଲେ । ଫାଇନାଲ ଖେଳରେ ମୁଖ୍ୟ ଅତିଥି ଭାବେ ସମାଜ ସେବୀ ଇଂ. ଜଗଜୀବନ ଭୋଇ ଯୋଗଦେଇ ଉଭୟ ଦଳକୁ ପୁରସ୍କୃତ କରିଥିଲେ । କମିଟିର ଶେଷଦେବ ବାଗ, ପୁରିନ ବାରିକ, କବି ପ୍ରସାଦ ବାଗ ,ଦିଲ୍ଲୀପ ଭୋଇ, ଲଳିତ ଭୋଇ ,ବୁଲୁ ଭୋଇ, ନରେଶ ଭୋଇ ପ୍ରମୁଖ ସହଯୋଗ କରିଥିବା ବେଳେ ଗିରିଜା ଶଙ୍କର ଭୋଇ ଧାରାବିବରଣୀ ପ୍ରଦାନ କରିଥିଲେ ।
