ଖପ୍ରାଖୋଲ ,୧୮/୭- ବଲାଙ୍ଗୀର ଜିଲ୍ଲା ଖପ୍ରାଖୋଲ ଚଙ୍ଗରିଆ ପଞ୍ଚାୟତ ରେଙ୍ଗାଲଜୁରୀ ଗ୍ରାମରେ ନେହେରୁ ଯୁବ କେନ୍ଦ୍ର ବଲାଙ୍ଗୀର ଓ ଜୟ ତରୁଣ ଯୁବକ ସଂଘ ରେଙ୍ଗାଲଜୁରୀ ପକ୍ଷରୁ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବର୍ତ୍ତମାନ ଜଙ୍ଗଲ ଅବକ୍ଷୟ ଯୋଗୁଁ ପରିବେଶ ଓ ଜଳବାୟୁ ପରିବର୍ତ୍ତନ ହେବା ସାଙ୍ଗକୁ ଦୂଷିତ ହେଉଛି । ଏହାକୁ ନିୟନ୍ତ୍ରଣ କରିବାକୁ ହେଲେ ବୃକ୍ଷ ରୋପଣ କରିବା ନିତାନ୍ତ ଆବଶ୍ୟକ ରହିଛି । ଏହାକୁ ଦୃଷ୍ଟିରେ ରଖି ନେହେରୁ ଯୁବ କେନ୍ଦ୍ର ବଲାଙ୍ଗୀର ପକ୍ଷରୁ ସ୍ୱେଚ୍ଛାସେବୀ ସନ୍ତୋଷ ଘିବେଲାଙ୍କ ତତ୍ତ୍ୱାବଧାନରେ ସ୍ଥାନୀୟ ବାଙ୍କୋଡୋ ଜଙ୍ଗଲ ପାଖରେ ବହୁ ସଂଖ୍ୟାରେ ନିମ୍ବ ,ଅଁଳା , ବାଉଁଶ ,ଶାଳ ଆଦି ଚାରା ରୋପଣ କରାଯାଇଛି । ଏଥିରେ ଜୟ ତରୁଣ ଯୁବକ ସଂଘର ସଂପାଦକ ଜଗନ୍ନାଥ ବରିହା , ଘାସିରାମ ମଲ୍ଲିକ , ସୁଶାନ୍ତ ରାଉତ ,ଅମନ ପୁଟେଲ , ଗଙ୍ଗାଧର ପୁଟେଲ ,ନୀତିଶ ମଲ୍ଲିକ , ଅନିରୁଦ୍ଧ ବରିହା, ଜନକ ବରିହା ପ୍ରମୁଖ ଉପସ୍ଥିତ ଥିଲେ ।
