ବାଲିଗୁଡ଼ା: କ୍ବାରେଣ୍ଟାଇନ୍ ସେଣ୍ଟର୍ ରେ ମହିଳା ପ୍ରବାସୀଙ୍କ ସହ ସେଲ୍ଫି ଫଟୋ ଭାଇରାଲ୍ । କନ୍ଧମାଳ ଜିଲ୍ଲା କ.ନୁଆଗାଁ ବ୍ଲକ୍ କୁଡ଼ୁତୁଲି ସରକାରୀ ବାଳିକା ଉଚ୍ଚ ବିଦ୍ୟାଳୟରେ ହୋଇଥିବା କ୍ବାରେଣ୍ଟାଇନ୍ ସେଣ୍ଟର୍ ରୁ ଫଟୋ ଭାଇରାଲ୍ ହୋଇଥିବା ସୂଚନା । ଦାୟିତ୍ଵରେ ଥିବା ଦୁଇ ଅଧିକାରୀଙ୍କ ସହ ପ୍ରବାସୀ ମହିଳାଙ୍କ ସେଲ୍ଫି ଫୋଟୋ ଭାଇରାଲ୍ ହୋଇଛି । ବର୍ତ୍ତମାନ ସାରା ବିଶ୍ବ କରୋନା ଭୁତାଣୁକୁ ନେଇ ଚିନ୍ତିତ ଥିବାବେଳେ କ୍ବାରେଣ୍ଟାଇନ୍ ସେଣ୍ଟର୍ ରେ ଦାୟିତ୍ବରେ ଥିବା କର୍ମଚାରୀଙ୍କ ଏଭଳି ଆଚରଣରେ ଅଞ୍ଚଳବାସୀ କ୍ଷୁବ୍ଧ । ସୂଚନା ପ୍ରକାରେ ଗତ ୩ତାରିଖରେ ଗୁଞିବାଡ଼ି ପଞ୍ଚାୟତର ଦୁଇଜଣ ମହିଳା ହାଇଦ୍ରାବାଦରୁ ଫେରିଥିଲେ । ପ୍ରଶାସନ ପକ୍ଷରୁ ସେମାନଙ୍କୁ କ.ନୁଆଗାଁ ବ୍ଲକ୍ କୁଡ଼ୁତୁଲି ସରକାରୀ ଉଚ୍ଚ ବାଳିକା ବିଦ୍ୟାଳୟରେ ହୋଇଥିବା କ୍ବାରେଣ୍ଟାଇନ୍ ସେଣ୍ଟର୍ ରେ ରଖାଯାଇଥିଲା । ହେଲେ ସେଠାରେ ଦାୟିତ୍ଵରେ ଥିବା ପଞ୍ଚାୟତ ନିର୍ବାହୀ ଅଧିକାରୀ ପ୍ରଶାନ୍ତ କୁମାର ବେହେରା ଓ ଅନ୍ୟ ଜଣେ କର୍ମଚାରୀ ପ୍ରବାସୀ ମହିଳାଙ୍କ ସହ ଉଠାଇଥିବା ସେଲ୍ଫି ଫୋଟୋ ଏବେ ସୋସିଆଲ ମିଡିଆରେ ଘୁରି ବୁଲୁଛି । ସେପଟେ ଘଟଣାର ତଦନ୍ତ କରି ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି କ.ନୁଆଗାଁ ବିଡ଼ିଓ ।
