ବୌଦ୍ଧ – ଆଜି ଭୋର ପ୍ରାୟ 4 ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ 57 ର ଜହ୍ନାପଙ୍କ ପାଖ ପୋଡାବଲସ୍ ଛକ ନିକଟରେ 2 ଗାଡ଼ି ଦୁର୍ଘଟଣା ଘଟିଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ଭୁବନେଶ୍ୱରରୁ ରାୟଗଡା ଅଭିମୁଖେ ଗୋଟିଏ ବୋଲେରୋ ଓ.ଆର-02 7494 ଯାଉଥିବା ବେଳେ ବୌଦ୍ଧ ଥାନା ପୋଡାବଲସ ଛକ ନିକଟରେ ରାସ୍ତା ମଝିକୁ ଗୋଟିଏ ବିଲେଇ ଆସି ଯିବାରୁ ଜୋରରେ ବ୍ରେକ୍ ମାରିବା ହେତୁ ବୋଲେରୋ ରାସ୍ତା ଉପରେ ଓଲଟି ପଡିଥିଲା l ବୋଲେରୋ ପଛେ ପଛେ ଯାଉଥିବା ଗୋଟିଏ ମାରୁତି ସ୍ବିଫ୍ଟ ଓ.ଆର-05 ଏସି 2009 ଗାଡିକୁ ଅଟକାଇ ନ ପାରି ଭାରସାମ୍ୟ ହରାଇ ଦୁର୍ଘଟଣା ଘଟିଥିବା ବଲେରୋକୁ ଧକ୍କା ଦେବାରୁ ବୋଲେରୋ ରାସ୍ତା ତଳକୁ ଖସି ପଡିଥିଲା ବୋଲି ଜଣାପଡିଛି l ଉଭୟ ଗାଡି ଗୋଟିଏ ମାଲିକଙ୍କ ଓ ଆଗ ପଛ ହୋଇ ଭୁବନେଶ୍ୱରରୁ ରାୟଗଡା ଅଭିମୁଖେ ଯାଉଥିଲେ l ଉଭୟ ଗାଡ଼ିରେ କେବଳ ଡ୍ରାଇଭର ହିଁ ଥିଲେ ଓ କେହି ଦୁର୍ଘଟଣାରେ ବିଶେଷ ଆହତ ହୋଇ ନଥିବା ଜଣାପଡିଛି l
