ବୌଦ୍ଧ /ବାଉଁଶୁଣୀ – ଆଜି ସକାଳ ପ୍ରାୟ ଘ. 7. 40 ମିନିଟ ସମୟରେ ଜାତୀୟ ରାଜପଥ ନମ୍ବର 57ର ବାଉଁଶୁଣି ମାଉଲୀ ମୁଣ୍ଡା ଛକ ନିକଟରେ ମହାରାଜା ହୋଟେଲ ସାମ୍ନାରେ ଏକ ସଡକ ଦୁର୍ଘଟଣା ଘଟି ବାଇକ ଚାଳକ ଗୁରୁତର ଆହତ ହୋଇଥିବା ଜଣା ପଡିଛି l ମିଳିଥିବା ସୂଚନା ଅନୁଯାୟୀ ଆଜି ସକାଳେ ତାଲସରଡା ଗ୍ରାମ ପଞ୍ଚାୟତ କଙ୍କଲା ଗ୍ରାମର ବଜରଙ୍ଗୀ ସେଠୀ (35) କୌଣସି କାମରେ ବାଇକ ଓଡ଼ି 27 ଏ 3426 ଯୋଗେ ବାଉଁଶୁଣି ଆଡକୁ ଆସୁଥିବା ବେଳେ ବିପରିତ ଦିଗରୁ ଆସୁଥିବା ଏକ ଦୁଗ୍ଧ ବୋଝେଇ 407 ଗାଡି WB 03 9609 ସହ ମୁହାମୁହିଁ ଧକ୍କା ହୋଇଥିଲା | ଫଳରେ ବାଇକ ଆରୋହୀ ଗୁରୁତର ଆହତ ହୋଇଥିଲେ | 407 ଗାଡି କ୍ଷୀର ବୋଝେଇ କରି ବଲାଙ୍ଗୀର ରେ ଡେଲିଭରି ଦେଇ ଭୁବନେଶ୍ଵର ଫେରୁଥିଲl l ଖବର ପାଇ ବାଉଁଶୁଣି ଦମକଳ ବାହିନୀ ଗୁରୁତରଙ୍କୁ ବାଉଁଶୁଣି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲା l ଆହତ ବଜରଙ୍ଗୀ ସେଠୀଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର ପାଇଁ ଡାକ୍ତର ପରାମର୍ଶ ଦେଇଥିବା ଜଣାପଡିଛି l ରାସ୍ତା ପାର୍ଶ୍ବରେ ଗୋଟିଏ ଡମ୍ଫର ଛିଡା ହୋଇଥିବା ଯୋଗୁଁ ଏ ଦୁର୍ଘଟଣା ଘଟିଥିବା କୁହାଯାଉଛି l ବାଉଁଶୁଣୀ ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ କରୁଥିବା ସୁଚନା ମିଳିଛି l
