ଭୁବନେଶ୍ୱର, ୨୦/୭: କମିଶନରେଟ ପୁଲିସର ଉଭୟ ଭୁବନେଶ୍ୱର ଓ କଟକ ପାଇଁ ଯଥାକ୍ରମେ ଡ.ଉମାଶଙ୍କର ଦାସ ଓ ପ୍ରତୀକ ସିଂ ସୋମବାର ଦାୟିତ୍ୱ ଗ୍ରହଣ କରିଛନ୍ତି । ପୁଲିସ ସେବା ଭବନରେ ଏ ନେଇ ଆଜି ଏକ ସଂକ୍ଷିପ୍ତ ଦାୟିତ୍ୱ ଗ୍ରହଣଉତ୍ସବ ଅନୁଷ୍ଠିତ ହୋଇଥିଲା । ଭୁବନେଶ୍ୱର ବିଦାୟୀ ଡିସିପି ତଥା ଅତିରିକ୍ତ ପୁଲିସ କମିଶନର ଅନୂପ କୁମାର ସାହୁ ଭୁବନେଶ୍ୱରର ନୂଆ ଡିସିପି ଡ. ଦାସଙ୍କୁ ଦାୟିତ୍ୱ ହସ୍ତାନ୍ତର କରିଥିଲେ । ଠିକ୍ ସେହିପରି କଟକ ବିଦାୟୀ ଡିସିପି ଅଖିଳେଶ୍ୱର ସିଂ ନୂଆ ଡିସିପି ପ୍ରତୀକ ସିଂଙ୍କୁ ଦାୟିତ୍ୱ ହସ୍ତାନ୍ତର କରିଥିଲେ ।
ଏହି ଅବସରରେ ପୁଲିସ କମିଶନର ସୁଧାଂଶୁ ଷଡଙ୍ଗୀ ନୂତନ ଡିସିପି ଦୈତ୍ୟନଗର କଟକ ଓ ଭୁବନେଶ୍ୱର ଅଂଚଳରେ ଡିସିପି ଭାବେ ନିଷ୍ଠାର ସହ କାର୍ଯ୍ୟ କରିବେ ବୋଲି ବକ୍ତବ୍ୟ ରଖିଥିଲେ । ଉଲ୍ଲେଖଯୋଗ୍ୟ ଯେ, ଭୁବନେଶ୍ୱରର ନୂଆ ଡିସିପି ଡ. ଦାସ ପୁରୀର ଏସ୍ପି ଭାବେ ଏହା ପୂର୍ବରୁ ଉଲ୍ଲେଖନୀୟ କାର୍ଯ୍ୟକରି ପ୍ରଶଂସା ସାଉଟିଥିବା ବେଳେ କଟକର ନୂଆ ଡିସିପି ଶ୍ରୀ ସିଂ କନ୍ଧମାଳର ଏସପି ଭାବେ ଉଲ୍ଲେଖନୀୟ ଭାବେ କାର୍ଯ୍ୟ କରିଥିଲେ ।
