ଫୁଲବାଣୀ:ସ୍ଥାନୀୟ ଫୁଲବାଣୀ ସାମ୍ବାଦିକ ଭବନ ଠାରେ କନ୍ଧମାଳ ଜିଲ୍ଲା ସଭାନେତ୍ରୀ ପୁନମ କହଁରଙ୍କ ନେତୃତ୍ୱରେ ଫୁଲବାଣୀ ପୌରପରିଷଦର ମହିଳା ବିଜୁ ଜନତା ଦଳର ବୈଠକ ଅନୁଷ୍ଠିତ ହୋଇଯାଇଅଛି । ଉକ୍ତ ବୈଠକକୁ ନଗର ସଭାନେତ୍ରୀ ପ୍ରଞ୍ଜଳି ଦିଗାଲ ପରିଚାଳନା କରିଥିଲେ ।
ଜିଲ୍ଲା ସଭାନେତ୍ରୀ ମୁଖ୍ୟ ଅତିଥି ଭାବେ ଯୋଗଦେଇ ବିଜୁ ଜନତା ଦଳର ସରକାର ମହିଳାମାନଙ୍କ ପାଇଁ ଯାହାସବୁ କାର୍ଯ୍ୟ କରିଆସିଛନ୍ତି ସେ ବିଷୟରେ ଅବଗତ କରାଇ ଆଗାମୀ ନିର୍ବାଚନରେ ମହିଳାମାନେ ଯେପରି ବିଜୁ ଜନତା ଦଳରେ କାର୍ଯ୍ୟକରି ଦଳକୁ ବିଜୟ ଲାଭ କରାଇବେ ସେ ସମସ୍ତ ବିଷୟରେ ଆଲୋଚନା କରିଥିଲେ । ଅନ୍ୟାନ୍ୟ ଅତିଥିଭାବରେ ଜିଲ୍ଲା ଉପ-ସଭାନେତ୍ରୀ ନମିତା ବେହେରା, ଜିଲ୍ଲା ଡିଜିଟାଲ ସେକ୍ରେଟାରୀ ଶବନମ କହଁର ଏବଂ ଜିଲ୍ଲା ସେକ୍ରେଟାରୀ ଚିନ୍ତାମଣୀ ଦାସ ପ୍ରମୁଖ ଉପସ୍ଥିତ ଥିଲେ ।
