ଫୁଲବାଣୀ,୮/୭ – ଆଜି ଏକ ସରକାରୀ ପଞ୍ଜିକୃତ ସାମ୍ବାଦିକ ସଂଘ କନ୍ଧମାଳ ଜିଲ୍ଲା ମିଡିଆ ଫୋରମର ନୂତନ କର୍ମକର୍ତ୍ତା ନିର୍ବାଚନ ସ୍ଥାନୀୟ ପ୍ରେସ କ୍ଲବ ଠାରେ ଅନୁଷ୍ଠିତ ହୋଇଯାଇଛି । ସଭାପତି ଶିବାନନ୍ଦ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ପ୍ରଥମେ ଗତ ଦୁଇବର୍ଷର ଆୟବ୍ୟୟ ଓ ଅନ୍ୟାନ୍ୟ କାର୍ଯ୍ୟକ୍ରମ ସଂପର୍କରେ ସଂପାଦକ ପ୍ରଶାନ୍ତ ପଣ୍ଡା ସୂଚନା ଦେଇଥିଲେ । ସଦସ୍ୟମାନେ ଆନ୍ତରିକ ସହଯୋଗ କରିଥିବାରୁ କୃତଜ୍ଞତା ଜ୍ଞାପନ କରିଥିଲେ । ସେହିପରି ସଂଘର କାର୍ଯ୍ୟକାଳ ପୁରି ଯାଇଥିବାରୁ ଆଗାମୀ ୨ବର୍ଷ ଲାଗି ନୂତନ କର୍ମକର୍ତ୍ତା ନିର୍ବାଚନ ହୋଇଥିଲା । ଏଥିରେ ସଭାପତି ଭାବରେ ସୁନୀଲ ବିଶ୍ୱାଳ ନିର୍ବାଚିତ ହୋଇଥିବାବେଳେ ଉପସଭାପତି ଭାବେ ଆଦିତ୍ୟ ପ୍ରସାଦ ତ୍ରିପାଠୀ ,ସାଧାରଣ ସଂପାଦକ ସୂର୍ଯ୍ୟ ବେହେରା ସହ ସଂପାଦକ ରମେଶ ପ୍ରଧାନ ଓ କୋଷାଧ୍ୟକ୍ଷ ଶିବ ବିଶ୍ୱାଳ ନିର୍ବାଚିତ ହୋଇଥିଲେ । ସମସ୍ତ ନବନିର୍ବାଚିତ ସଭାପତି, ସଂପାଦକ ଓ କର୍ମକର୍ତ୍ତାମାନେ ନିଷ୍ଠା ଓ ଆନ୍ତରିକତାର ସହ ସମସ୍ତ ସଦସ୍ୟଙ୍କୁ ସାଥିରେ ନେଇ ସଂଘୀୟ ସ୍ୱାର୍ଥକୁ ଦୃଷ୍ଟିରେ ରଖି କାର୍ଯ୍ୟ କରିବା ଲାଗି ନିର୍ବାଚନ ଅଧିକାରୀ ସୁନୀଲ ପଟ୍ଟନାୟକ ପରାମର୍ଶ ଦେଇଥିଲେ । ଏହି ବୈଠକରେ ବରିଷ୍ଠ ସାମ୍ବାଦିକ ତଥା ଉପଦେଷ୍ଟା ସୁନୀଲ ପଟ୍ଟନାୟକ, ଅଜିତ ମହାରଣା, ତ୍ରୀନାଥ ସାହୁ, ସନ୍ତୋଷ ଦିିଗାଲ, ସୂର୍ଯ୍ୟ ବେହେରା , ରମେଶ ପ୍ରଧାନ, ସତ୍ୟନାରାୟଣ ବେହେରା , ପ୍ରଶାନ୍ତ ପଣ୍ଡା, ବୈଦ୍ୟ ନାଏକ, ଆଦିତ୍ୟ ପ୍ରସାଦ ତ୍ରିପାଠୀ, ସୁନୀଲ ବିଶ୍ୱାଳ, ଶିବ ନାଏକ, ରାଧାମୋହନ ମହାପାତ୍ର, ଶିବ ନାୟକ, ବାଳକୃଷ୍ଣ ଚର୍ଚ୍ଚି଼ି, ଶିବ ବିଶ୍ୱାଳ ପମୁଖ ଉପସ୍ଥିତ ଥିଲେ । ଏଥ ସହିତ ନବ ନିର୍ବାଚିତ କର୍ମକର୍ତ୍ତାଙ୍କୁ ସାମ୍ବାଦିକ କ୍ଷୀରୋଦ ସାହାଣୀ ପୁଷ୍ପହାର ଦେଇ ସ୍ୱାଗତ କରିଥିଲେ ।
