ମାଲକାନଗିରି : ତେଲେଙ୍ଗାନା ସୀମାନ୍ତ ଭଣ୍ଡାରି କୋତ୍ତାଗୁଡେମ ଜିଲ୍ଲାରେ ଏନକାଣ୍ଟର । ପୋଲିସ ଗୁଳିରେ ଜଣେ ହାଡକୋର ମାଓବାଦୀ ପ୍ରାଣ ହରାଇଛନ୍ତି । ଚେରଲା ଥାନା ଅନ୍ତର୍ଗତ କୁର୍ଣାପାଲି ଜଙ୍ଗଲରେ ମାଓବାଦୀମାନେ ଏକ କ୍ୟାମ୍ପ କରି ରହିଥିବା ପୋଲିସର ଗୁଇନ୍ଦା ବିଭାଗକୁ ସୁଚନା ମିଳିଥିଲା । ବର୍ତ୍ତମାନ ନକ୍ସଲ ପନ୍ଥିଙ୍କ ସହିଦ ସପ୍ତାହ ଚାଲିଥିବା ବେଳେ ବଡ ଧରଣର ହିଂସା କାଣ୍ଡ ଘଟାଇବା ଲାଗି ଯୋଜନା କରୁଥିଲେ ମାଓବାଦୀ ।
ଖବର ପାଇ ଗ୍ରେହଣ୍ଡ ବାହିନୀର ଯବାନ ମାନେ ଆଜି ସକାଳେ ସେଠାରେ କମ୍ୱିଂ ଅପରେସନ ଆରମ୍ଭ କରିଥିଲେ । ଉଭୟ ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହେବା ପରେ ନକ୍ସଲ ମାନେ ଘଟଣା ସ୍ଥଳରୁ ପଳାୟନ କରିଥିବା ଜଣାପଡିଛି । ପରେ ସର୍ଚ୍ଚ ଅପରେସନ ବେଳେ ଜଣେ ପୁରୁଷ ମାଓବାଦୀଙ୍କ ସହ ଏକ କିଟ ବେଗ୍ ଓ ଗୋଟିଏ ବନ୍ଧୁକ ଜବତ କରିଥିଲେ ଯାବାନ । ମୃତ ମାଓବାଦୀଙ୍କ ପରିଚୟ ବର୍ତ୍ତମାନ ସୁଦ୍ଧା ଜଣାପଡିନାହିଁ ବୋଲି କହିଛନ୍ତି ଭଣ୍ଡାରି କୋତ୍ତାଗୂଡେମ ଏସପି ସୁନିଲ ଦତ୍ତ ।
