ରାୟଗଡ,୧୫/୭: ରାୟଗଡ ଜିଲ୍ଳା ସଦର ମହକୁମାରେ ଥିବା ଗାନ୍ଧିନଗର ଶିକ୍ଷା କ୍ଳଷ୍ଟର ତରଫରୁ ସ୍ଥାନୀୟ ବୁଦୁରାୱାଲସା ପ୍ରାଥମିକ ବିଦ୍ୟାଳୟ ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ଅତିରିକ୍ତ ଜିଲ୍ଳା ଶିକ୍ଷା ଅଧିକାରୀ ତଥା ରାୟଗଡ ବ୍ଳକ ଶିକ୍ଷାଧିକାରୀ(ବିଇଓ)ଭଜନଲାଲ ମାଝି ମୁଖ୍ୟଅତିଥି ଭାବେ ଯୋଗଦେଇ ବୃକ୍ଷରୋପଣ କରିଥିଲେ । ଏବିଇଓ ୱାଂରାହୀ ଶବର,ଛବିଲାଲ ସିଂ ଓ ବଳରାମ ହୁଇକା,ସିଆରସିସି ପ୍ରଶାନ୍ତି ସାହୁ ଓ ଜଗତ କୁମାର ବେବର୍ତା ଉପସ୍ଥିତ ରହି ବୃକ୍ଷରୋପଣ କରିଥିଲେ । ପ୍ରତି ବିଦ୍ୟାଳୟ ପରିସରକୁ ସବୁଜ ବିଦ୍ୟାଳୟ କରିବାସହ ମଧ୍ୟାହ୍ନ ଭୋଜନ ନିମନ୍ତେ ରୋଷେଇ ବଗିଚାକରି ପିଲାଙ୍କୁ ପୁଷ୍ଟିକର ଖାଦ୍ୟ ପ୍ରଦାନ ନିମନ୍ତେ ଶିକ୍ଷକଙ୍କୁ ମୁଖ୍ୟ ଅତିଥି ଶ୍ରୀ ମାଝି ପ୍ରବର୍ତ୍ତାଇଥିଲେ । ସିଆରସିସି ପ୍ରଶାନ୍ତି ସାହୁ ଏହି କାର୍ଯ୍ୟକ୍ରମର ଆୟୋଜନ କରିଥିବା ବେଳେ ବୁଦୁରାୱାଲସା ପ୍ରାଥମିକ ବିଦ୍ୟାଳୟର ଶିକ୍ଷୟତ୍ରୀ ପଦ୍ମଲତା ମିଶ୍ର ଓ ସୁନିତା ମିଶ୍ର ସହଯୋଗ କରିଥିଲେ । ଗାନ୍ଧୀନଗର କ୍ଳଷ୍ଟରର ପ୍ରତାପ ଚନ୍ଦ୍ର ବାତ୍ରିୟା,ବିଶ୍ୱ ପ୍ରକାଶ ଦାସ,ପ୍ରଣତୀ ହିମିରିକା,ଲକ୍ଷ୍ମୀନାରାୟଣ ଗନ୍ତାୟତ,ମନ୍ମଥ ତୁଳ,ନିରଂଜନ କାଦାମ୍ବାଲୁ,ମନୋରଂଜନ ନାୟକ,ଟି.ଭି.ଭି.ସତ୍ୟନାରାୟାଣା,ମନୋରଂଜନ ନାୟକ ଓ ନୀଳାଂଚଳ ମିଶ୍ର ପ୍ରମୁଖ ପ୍ରଧାନଶିକ୍ଷକ ଓ ସହକାରୀ ଶିକ୍ଷକ ବୃନ୍ଦ ଓ ବୁଦୁରାୱାଲସା ପ୍ରାଥମିକ ବିଦ୍ୟାଳୟ ପରିଚାଳନା କମିଟିି ସଦସ୍ୟ ବୃନ୍ଦ ଯୋଗ ଦେଇଥିଲେ ।
