ସମ୍ବଲପୁର,୨୬/୫- ସମ୍ବଲପୁର ଜିଲ୍ଲା ରେଢାଖୋଲ ଜନକଲ୍ୟାଣ ସମିତି ପକ୍ଷରୁ ଆଜି ସନ୍ଥକବି ଭୀମଭୋଇଙ୍କ ଜନ୍ମ ଜୟନ୍ତୀ ଅବସରରେ ରେଢ଼ାଖୋଲ ଉପଖଣ୍ଡ ପୋଲିସ ଅଧିକାରୀ ହାଡିବନ୍ଧୁ ସ୍ୱାଇଁ ମୂଖ୍ୟ ଅତିଥି ଓ ଉପଖଣ୍ଡ ଚିକିତ୍ସାଳୟର ଭାରପ୍ରାପ୍ତ ଅଧ୍ୟକ୍ଷ ଡ଼ ରାମକୃଷ୍ଣ ପତି ସମ୍ମାନିତ ଅତିଥି ଭାବେ ଯୋଗଦେଇ ଅକ୍ସିଜେନ ବ୍ୟାଙ୍କ ଲୋକାର୍ପିତ କରିଥିଲେ । ସୂଚନାଯୋଗ୍ୟ ଯେ ରେଢ଼ାଖୋଲ ଅଞ୍ଚଳରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଇବା ସହ ଅକ୍ସିଜେନ ଅଭାବରୁ ଅନେକଙ୍କ ଜୀବନ ମଧ୍ୟ ଯାଇଛି । ଅନେକାଂଶରେ ରୋଗୀଙ୍କୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତର ମଧ୍ୟ କରାଯାଉଛି । ଏହାକୁ ଦୃଷ୍ଟିରେ ରଖି ଆଜି ରେଢ଼ାଖୋଲ ଜନକଲ୍ୟାଣ ସମିତି ଓ ହରିଶଙ୍କର ଅଗ୍ରୱାଲ ଫାଉଣ୍ଡେସନ ପକ୍ଷରୁ ରେଢ଼ାଖୋଲ ଅକ୍ସିଜେନ ବ୍ୟାଙ୍କ ଲୋକାର୍ପିତ କରାଯାଇଛି । ଅକ୍ସିଜେନ ପାଇଁ ଜନକଲ୍ୟାଣ ସମିତିର ହେଲ୍ପଲାଇନ ନମ୍ୱର – ୯୪୩୭୦୫୫୨୨୨ , ୯୮୫୩୦୮୫୧୨୩ ,୮୦୧୮୧୨୮୩୦୦ରେ ଯୋଗାଯୋଗ କରି ଅକ୍ସିଜେନ ନେଇ ପାରିବେ । ଜନକଲ୍ୟାଣ ସମିତିର ଆବାହକ ଗୋବିନ୍ଦ ନାରାୟଣ ଅଗ୍ରୱାଲ , ସଭାପତି ଶିବରାମ ସାହୁ , ଅନିଲ ପୃଷ୍ଟି , ପ୍ରକାଶ ମୁଖୀ , ସୁନନ୍ଦ ପ୍ରଧାନ , ଅବନୀ ମେହେର , ବବଲୁ ଦେବ , ଦିଲିପ ଲାଉରିଆ , ଅନାମ ମୁଖୀ ଓ ବିଦେଶୀ ସାହୁ ପ୍ରମୁଖ ଉପସ୍ଥିତ ଥିଲେ ।
