ସମ୍ବଲପୁର,୨୮/୬- ବିଜୁ ଜନତା ଦଳ ପକ୍ଷରୁ ରାଜ୍ୟର ୩୦ ଜ଼ିଲ୍ଲା ପାଇଁ ନୁଆ ପର୍ଯ୍ୟବେକ୍ଷକ ନିଯୁକ୍ତି କରିଥିବା ବେଳେ ଏହି ଜ଼ିଲ୍ଲାଗୁଡିକୁ ନେଇ ୬ଟି ଜୋନ କରାଯାଇ ଦଳର ୬ ଜଣ ବରିଷ୍ଠ ନେତାଙ୍କୁ ବରିଷ୍ଠ ପର୍ଯ୍ୟବେକ୍ଷକ ଭାବେ ଦାୟିତ୍ୱ ପ୍ରଦାନ ଜରାଯାଇଛି । ପୁଣି ବିଜୁ ମହିଳା ଜନତା ଦଳର ସମସ୍ତ ସାଙ୍ଗଠନିକ ଜ଼ିଲ୍ଲାପାଇଁ ସଭାପତି ଏବଂ ରାଜ୍ୟ ସ୍ତରୀୟ କର୍ମକର୍ତ୍ତାଙ୍କ ନାମ ଘୋଷଣା କରାଯାଇଛି । ଏହି ପରିପ୍ରେକ୍ଷୀରେ ସମସ୍ତ ନବନିଯୁକ୍ତ ପର୍ଯ୍ୟବେକ୍ଷକ, ବରିଷ୍ଠ ପର୍ଯ୍ୟବେକ୍ଷକ ଏବଂ ବିଜୁ ମହିଳା ଜନତା ଦଳର ସମସ୍ତ କର୍ମକର୍ତ୍ତାଗଣଙ୍କୁ ରାଜ୍ୟ ସାଧାରଣ ସମ୍ପାଦକ ତଥା ଦଳୀୟ ପ୍ରବକ୍ତା ଡ଼. ରାସେଶ୍ୱରୀ ପାଣିଗ୍ରାହୀ ଅଭିନନ୍ଦନ ଜଣାଇଛନ୍ତି ଓ ଏଥିସହ ସେ ଦଳର ସଭାପତି ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରେ କୃତଜ୍ଞତା ଜ୍ଞାପନ କରିଛନ୍ତି ଓ ସେ ତାଙ୍କ ପ୍ରତିକ୍ରିୟାରେ ପ୍ରକାଶ କରିଛନ୍ତି ଯେ ଦଳ ସୁପ୍ରିମୋ ତଥା ମାନ୍ୟବର ମୁଖ୍ୟମନ୍ତ୍ରୀ ହେଉଛନ୍ତି ଜଣେ ଦୂରଦ୍ରଷ୍ଟା, ଅଭିଜ୍ଞ ଓ଼ ଅଦ୍ୱିତୀୟ ରାଜନେତା ଓ ତାଙ୍କ ଦ୍ୱାରା ଅନୁମୋଦିତ ହୋଇଥିବା ପଦପଦବୀରେ ଏହା କେବଳ ନିଯୁକ୍ତି ନୁହେଁ ବରଂ ଯୁବ ଓ଼ ଅଭିଜ୍ଞ ମାନଙ୍କ ହାତରେ ଦଳର ଗୁରୁଦାୟିତ୍ୱ ପ୍ରଦାନ କରାଯାଇଛି, ଯାହାକି ଆଗାମୀ ଦିନରେ ରାଜ୍ୟରେ ଦଳୀୟ ସଙ୍ଗଠନକୁ ଆହୁରି ସୁଦୃଢ କରିବ ।
