ସୋନପୁର,୧୬/୭- ବୀରମହରାଜପୁର ବ୍ଲକ ଅନ୍ତର୍ଗତ ସୁବଳୟା ପଂଚାୟତର ଗୋବିନ୍ଦପୁର ଠାରେ ଏକ ବୃକ୍ଷ ରୋପଣ କାର୍ଯ୍ୟକ୍ରମ ହୋଇଯାଇଛି । ଏଥିରେ ୩୦୦ରୁ ଉର୍ଦ୍ଧ୍ୱ କୃଷ୍ଣଚୂଡ଼ା, ନିମ୍ବ, ଜାମ୍ବୁ ,ବରଗଛ ,ଅଶ୍ୱତଥ ଗଛ ,କରଞ୍ଜ, ନିମ୍ବ ଆଦି ରୋପଣ କରାଯାଇଛି । ଗୋବିନ୍ଦପୁର ଗ୍ରାମର ସଙ୍ଘ ସଭାପତି ହୃଷିକେଶ ନାଏକ, ଧରଣୀ ଧର ନାଏକ, ସୁରେନ୍ଦ୍ର ପୁରୋହିତ, ଅଶୋକ ପୁରୋହିତ ,ଜିଲ୍ଲାର ପ୍ରକୃତି ବନ୍ଧୁ ମନୋଜ ପଣ୍ଡା ସମେତ ଶତାଧିକ ଗ୍ରାମ ଯୁବକ ବୃକ୍ଷରୋପଣ କରିଥିଲେ । ଆଗାମୀ ଭବିଷ୍ୟତରେ ଗଛ ବହୁତ ଜରୁରୀ ବୋଲି ଶ୍ରୀ ପଣ୍ଡା କହିଥିଲେ । ଏହି କାର୍ଯ୍ୟକ୍ରମରେ ବୀରମହରାଜପୁର ବନଖଣ୍ଡର ରେଞ୍ଜର ଅଭିନାଶ ବରୀହା ,ଫରେଷ୍ଟର ଜୟକୃଷ୍ଣ ପଟ୍ଟନାୟକ ,ପ୍ରବୀଣ ରଥ, ବଳରାମ ନାୟକ, ପିଣ୍ଟୁ ସଂଜୀବଙ୍କୁ ସମ୍ମାନିତ ସହିତ ବୃକ୍ଷରୋପଣରେ ସହଯୋଗ କରିଥିଲେ ।
