ସୋନପୁର,୩/୧୧ : ଯାହାର କେହି ନାହିଁ ଭଗବାନ ହିଁ ସାହା ବୋଲି ଯେଉଁ ଉକ୍ତିଟି ରହିଆସିଛି ତାକୁ ଅକ୍ଷରେ ଅକ୍ଷରେ ପ୍ରତିପାଦନ କରିପାରିଛନ୍ତି ସୋନପୁର ସହରର ଅଗ୍ରଣୀ ସଙ୍ଗଠନ ବୁଢ଼ାରଜା ଯୁବ ସମାଜସେବୀ ସଙ୍ଗଠନର କର୍ମକର୍ତ୍ତା ସମୁହ । ଘଟଣାରୁ ପ୍ରକାଶ ଯେ ସୋନପୁର ବ୍ଲକର ଖଲିଆପାଲି ଗ୍ରାମ ନିକଟସ୍ଥ ଗୋବିନ୍ଦପୁର ଗ୍ରାମର ନେତ୍ରା ନାଏକ ନାମକ ଏକ ଅସହାୟ ବୟସ୍କ ବ୍ୟକ୍ତିଙ୍କ ଅସୁସ୍ଥତା ଜନିତ ଖବର ରୁଗୁଡିପାଲି ଅଙ୍ଗନବାଡି (ଖ) କର୍ମୀ ଗୀତାଞ୍ଜଳୀ ରଣାଙ୍କଠୁ ଜାଣିବା ପରେ ସୋନପୁର ସଦରର ବୁଢ଼ାରଜା ଯୁବ ସ୍ୱେଚ୍ଛାସେବୀ ସଙ୍ଗଠନର ସଭାପତି ଶିବଶଙ୍କର ନାଏକଙ୍କ ନେତୃତ୍ୱରେ କର୍ମକର୍ତ୍ତା ମାନଙ୍କର ଏକ ଟିମ୍ ଖଲିଆପାଲିରୁ ଉକ୍ତ ଅସୁସ୍ଥ ବ୍ୟକ୍ତିଙ୍କୁ ଏକ ଆମ୍ବୁଲାନ୍ସ ରେ ସୋନପୁର ସଦର ଡ଼ାକ୍ତରଖାନାକୁ ଆଣି ଭର୍ତ୍ତି କରିଥିଲେ । ହେଲେ ଗତକାଲି ରାତିରେ ସେ ଅସୁସ୍ଥ ବ୍ୟକ୍ତିଜଣକ ମୃତ୍ୟୁବରଣ କରିଥିଲେ । ତାଙ୍କର ମୃତ୍ୟୁ ଖବର ତାଙ୍କର ପରିବାର ବର୍ଗଙ୍କୁ ଜଣାଇଥିଲେ ହେଁ କେହିନ ଆସିବାରୁ ପରେ ପୋଲିସକୁ ଖବର ଦେଇଥିଲେ ଓ ଯୁବ ସଂଗଠନର କର୍ମକର୍ତ୍ତାମାନେ ସ୍ଥାନୀୟ ରାମେଶ୍ୱରସ୍ଥିତ ସ୍ୱର୍ଗଦ୍ୱ ।ରଠାରେ ଉକ୍ତ ବ୍ୟକ୍ତିଙ୍କର ଶବ ସତ୍କାର କରିଥିଲେ । ଏପରି ମହାନ କାମପାଇଁ ଯୁବ ସଂଗଠନର ସମସ୍ତ ସଦସ୍ୟଙ୍କୁ ସହରବାସୀ ଉଚ୍ଚ ପ୍ରଶଂସା କରିଥିବା ବେଳେ ସଂପ୍ରତି ପରିବାରରେ ଏଭଳି ବ୍ୟକ୍ତିଙ୍କୁ ହେୟଜ୍ଞାନ ମନେକରି ଅସହାୟ ଅବସ୍ଥାରେ ବୃଦ୍ଧବୃଦ୍ଧାମାନଙ୍କୁ ତଡିଦେଉଥିବା ଭଳି ମାନସିକତାକୁ ଦୃଢ଼ ନିନ୍ଦା କରିଛନ୍ତି । ସ୍ୱରୂପ ପାତ୍ର, ବିଶ୍ୱଜିତ ମିଶ୍ର, କୃଷ୍ଣ ପାତ୍ର, ବଳରାମ ଭାଇ, ସ୍ୱ ।ଧିନ ନାଏକ ତ୍ରିବିକ୍ରମ ପ୍ରମୁଖ ସଙ୍ଗଠନର ସମସ୍ତ କର୍ମକର୍ତ୍ତା ସହଯୋଗ କରିଥିଲେ ।
