ଟିଟିଲାଗଡ,୧୦/୧୨- ଟିଟଲାଗଡ ମ୍ୟୁନସିପାଲଟିର ଜବରଦଖଲ ଉଚ୍ଛେଦ ପ୍ରକ୍ରିୟା ଜାରି ରହିଥିବାବେଳେ ଆଜି ପ୍ରଭାବତୀ ପବ୍ଲିକ ସ୍କୁଲର ପାଚେରୀ ଭଙ୍ଗାଯାଇଛି । ଏହି ସ୍କୁଲ ପରିସରକୁ ଲାଗିଥିବା ଏକ୍ସିସ ବ୍ୟାଙ୍କକୁ ମଧ୍ୟ ନୋଟିସ କରାଯାଇଛି । ଏକ୍ସିସ ବ୍ୟାଙ୍କଟି ଉକ୍ତ କୋଠାର ପାର୍କିଂ ଅଞ୍ଚଳ ହୋଇଥିବାବେଳେ କୋଠାମାଲିକ ଏହାକୁ ଏକ୍ସିସ ବ୍ୟାଙ୍କ କାର୍ଯ୍ୟାଳୟ ପାଇଁ ଦେଇଛନ୍ତି । ପୁରୁଣା ବ୍ୟାଙ୍କ ଛକ ଠାରୁ ଶାସ୍ତ୍ରୀ ଛକ ପର୍ଯ୍ୟନ୍ତ ରାସ୍ତାର ପ୍ରଶସ୍ତିକରଣ ପ୍ରକ୍ରିୟାରେ ଯେଉଁମାନେ ଜବରଦଖଲ କରିଛନ୍ତି ସେମାନଙ୍କୁ ପ୍ରଶାସନ ୧ମାସ ମଧ୍ୟରେ ଖାଲି କରିବାକୁ ନୋଟିସ ଦେଇଥିଲା । ପ୍ରଶାସନ ପ କ୍ଷରୁ ଏହି ଉଚ୍ଛେଦ ପ୍ରକ୍ରିୟାକୁ ସ୍ୱାଗତ କରାଯାଇଥିବାବେଳେ ପୂର୍ବରୁ ପେଟ୍ରୋଲପଂପ୍ ଠାରୁ ରେଲୱେଷ୍ଟେସନ ଉଚ୍ଛେଦ ହେବା ୧ମାସ ହୋଇଯାଇଥିଲେ ମଧ୍ୟ ଏପର୍ଯ୍ୟନ୍ତ କୌଣସି କାମ ହୋଇନଥିବାରୁ ଅସନ୍ତୋଷ ପ୍ରକାଶ ପାଇଛି ।
