ଟିଟଲାଗଡ,୧୧/୧: ବଲାଙ୍ଗୀର ଜିଲ୍ଲା ଟିଟଲାଗଡର ମଥନପଲା ଡ୍ୟାମରେ ଟିଟଲାଗଡ ପୌରପରିଷଦ ତରଫରୁ ବଡାଖାନା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ମହିଳା ଓ ଶିଶୁବିକାଶ ମିଶନଶକ୍ତି ମନ୍ତ୍ରୀ ଶ୍ରୀମତୀ ଟୁକୁନି ସାହୁ ମୁଖ୍ୟଅତିଥି ଭାବେ ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ ଟିଟଲାଗଡ ଉପଜିଲ୍ଲାପାଳ ତଥା କାର୍ଯ୍ୟନିର୍ବାହୀ ଅଧିକାରୀ ସୌମେଶ ଉପାଧ୍ୟାୟ, ସୂଚନା ଓ ଲୋକସଂପର୍କ ଅଧିକାରୀ ମନୋଜ ବେହେରା ଯୋଗ ଦେଇଥିଲେ । ମନ୍ତ୍ରୀ ଶ୍ରୀମତୀ ସାହୁ ଟିଟଲାଗଡକୁ କିପରି ସ୍ୱଚ୍ଛତାରେ ଅଗ୍ରଗତି କରାଯିବ ସେଥିପ୍ରତି ଦୃଷ୍ଟି ଦେବାକୁ ସମସ୍ତ ସଫେଇ କର୍ମଚାରୀଙ୍କୁ କହିଥିଲେ । ଟିଟଲାଗଡ ଜନସାଧାରଣଙ୍କୁ ସ୍ୱଚ୍ଛ ସର୍ବେକ୍ଷଣର ଆପ ଡାଉନଲୋଡ କରି ସେଥିରେ ଟିଟଲାଗଡର ସ୍ୱଚ୍ଛତା ଉପରେ ନମ୍ବର ଦେବାକୁ ଅନୁରୋଧ କରିଥିଲେ ଉପଜିଲ୍ଲାପାଳ । ସମସ୍ତ ସଫେଇ କର୍ମଚାରୀଙ୍କୁ ସାଲ୍ ପ୍ରଦାନ କରାଯିବାସହ ବଡାଖାନା କାର୍ଯ୍ୟକ୍ରମରେ ସାମିଲ କରାଯାଇଥିଲା । ଏହି କାର୍ଯ୍ୟକ୍ରମରେ ଟିଟଲାଗଡ ପୌରପରିଷଦର ସମସ୍ତ ଅଧିକାରୀ, ସ୍ୱଚ୍ଛ ସାଥୀ, ସୁପରଭାଇଜର, ସଫେଇ କର୍ମଚାରୀ ଯୋଗଦେଇଥିଲେ ।
