ବାଲିଗୁଡ଼ା: ଟ୍ରାନ୍ସପୋର୍ଟ ସଂସ୍ଥାର ଟ୍ରକରୁ ୨୦କେଜି ୫୦୦ ଗ୍ରାମର ଗଞ୍ଜେଇ ଜବତ କଲା ପୋଲିସ୍ । ଗଞ୍ଜେଇ ସହ ଟ୍ରକ ଜବତ କରି ଡ୍ରାଇଭର ସାଧୁଚରଣ ମହାପାତ୍ରଙ୍କୁ କୋର୍ଟ ଚାଲାଣ କରିଛି ବାଲିଗୁଡ଼ା ପୋଲିସ୍ । ସୂଚନା ପ୍ରକାରେ କରୋନାକୁ ନେଇ ବିଭିନ୍ନ କଟକଣା ଜାରି ହୋଇଥିବା ବେଳେ ନିଶା ବେପାରୀଙ୍କ ପ୍ରାଦୁର୍ଭାବ ଅଂଚଳରେ ବଢ଼ିବାରେ ଲାଗିଛି । ଏହାକୁ ଦୃଷ୍ଟିରେ ରଖି କନ୍ଧମାଳ ଜିଲ୍ଲା ବାଲିଗୁଡ଼ା ଅଂଚଳରେ ପେଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରାଯାଇଛି ପୋଲିସ୍ ପକ୍ଷରୁ । ସବ୍ ଇନ୍ସପେକ୍ଟର ରବିନ୍ଦ୍ର ମୁଣ୍ଡାରୀ ନିଜ ଟିମ୍ ସହ ମିଶି ରାତ୍ରୀକାଳିନ ପେଟ୍ରୋଲିଂ କରୁଥିବା ସମୟରେ ବାଲିଗୁଡ଼ାରୁ ବ୍ରହ୍ମପୁର ଟ୍ରାନ୍ସପୋର୍ଟ ସାମଗ୍ରୀ ଆଣିବାପାଇଁ ଯାଉଥିବା ଏକ ଟ୍ରକ୍ ( ଓଆଜି୬୫୭୮)କୁ ଅଟକାଇ ଯାଞ୍ଚ କରିଥିଲେ । ଟ୍ରକ୍ କ୍ୟାଭିନ୍ ଭିତରୁ ୨୦କେଜି ୫୦୦ଗ୍ରାମ୍ ଗଞ୍ଜେଇ ପାଇବା ପରେ ଗଞ୍ଜେଇ ସହ ଟ୍ରକକୁ ଜବତ କରିଛି ପୋଲିସ୍ । ସେପଟେ ଘଟଣାରେ ଡ଼୍ରାଇଭର ସାଧୁଚରଣ ମହାପାତ୍ରକୁ କୋର୍ଟ ଚାଲାଣ କରାଯାଇଥିବା ବେଳେ ଡିଏସପି ମନୋଜ କୁମାର ପୂଜାରୀ ଘଟଣାର ଅଧିକ ତଦନ୍ତ ଚଳାଇଥିବା ପୋଲିସ୍ ପକ୍ଷରୁ ସୂଚନା ମିଳିଛି ।
