ଓଲିଉଡର ଷ୍ଟାର୍ ନାୟିକା ବର୍ଷା ପ୍ରିୟଦର୍ଶନୀଙ୍କ ଆଗାମୀ ଚଳଚ୍ଚ଼ିତ୍ର ‘ବିଜୟିନି’ର ଶୁଭ ମୁହୂରତ କଟକ ଠାରେ ଅନୁଷ୍ଠିତ ହୋଇଯାଇଛି । ଏହି ଚଳଚ୍ଚ଼ିତ୍ର ମାଧ୍ୟମରେ ଏକ ନୂତନ ଯାତ୍ରା ପାଇଁ ପୁରା କାଷ୍ଟ ଏବଂ କ୍ରୁଙ୍କ ନିମନ୍ତେ ଏହା ଏକ ବିଶେଷ ଉତ୍ସବ ଥିଲା । ଏହି ପ୍ରୋଜେକ୍ଟ ପାଇଁ ଏକାଠି ହୋଇଥିବାରୁ ସମସ୍ତଙ୍କୁ ମୁଁ ଧନ୍ୟବାଦ ଜଣାଇବା ସହିତ ପ୍ରତିଭାବାନ ଟିମ ସହିତ କାମ କରିବା ପାଇଁ ମୁଁ ବିଶେଷ ଉତ୍ସାହିତ ଅଛି ବୋଲି ବର୍ଷା ସୋସିଆଲ ମିଡିଆ ମାଧ୍ୟରେ କହିଛନ୍ତି । ସେ କହିଛନ୍ତି ବିଜୟିନୀ ଚଳଚ୍ଚ଼ିତ୍ର ମହିଳା ସଶକ୍ତିକରଣ ଉପରେ ଆଧାରିତ ଏବଂ ମୁଁ ନିଶ୍ଚିତ ଯେ ଏହି ଚଳଚ୍ଚିତ୍ରର କାହାଣୀ ମହିଳାମାନଙ୍କୁ ଉତ୍ସାହିତ କରିବ ଏବଂ ସେମାନଙ୍କୁ ସ୍ୱର ଉତ୍ତୋଳନ ନିମନ୍ତେ ପ୍ରେରଣା ଯୋଗାଇବ । ମୁଁ ଏହି ଅବସରରେ ଚଳଚ୍ଚ଼ିତ୍ରର ନେତୃତ୍ୱ ନେବାକୁ ଥିବା ଅତି ପ୍ରତିଭାଶାଳୀ ତଥା ଦୂରଦୃଷ୍ଟି ସମ୍ପନ୍ନ ମହିଳାଙ୍କ ଟିମକୁ ଆପଣଙ୍କ ସାମ୍ନାରେ ଉପସ୍ଥାପନ କରିବାକୁ ଚାହୁଁଛି । ପ୍ରଯୋଜିକା ସଙ୍ଗିତା କାଣ୍ଡୋଇ, ଆମର ଷ୍ଟାଇଲିଂ ପାର୍ଟନର ସୁକିର୍ତ୍ତୀ ଜୀ ଏବଂ ଚଳଚ୍ଚ଼ିତ୍ର ପାଇଁ ଆମର ଅଳଙ୍କାର ପାର୍ଟନେର ଭିସିଲଭରର କ୍ରିନା ଭୋରା ଜୀ ସେଥି ମଧ୍ୟରେ ଅନ୍ୟତମ । ଏହି ନୂତନ ପ୍ରୋଜେକ୍ଟ ପାଇଁ ପୁରା ଟିମକୁ ମୋର ଆନ୍ତରିକ ଧନ୍ୟବାଦ ଓ ଶୁଭେଚ୍ଛା ବୋଲି ବର୍ଷା ନିଜର ସୋସିଆଲ ମିଡିଆରେ ସାଇଟ୍ରେ ଉଲ୍ଲେଖ କରିଛନ୍ତି ।
