କୋଲକାତା : ଏମିତି କିଛି ପ୍ରତିଷ୍ଠିତ ମହିଳା ଓ ପୁରୁଷ ଅଛନ୍ତି,ଯେଉଁମାନଙ୍କ ଅସଲ କାରନାମା ଜାଣିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ସେହିପରି ଜଣେ ସେଲିବ୍ରିଟି ହେଲେ ବଙ୍ଗାଳୀ ଅଭିନେତ୍ରୀ ଅଭିନେତ୍ରୀ ରୂପା ଦତ୍ତା । ଅଭିନେତ୍ରୀ ଜଣଙ୍କ ଏଭଳି କାମ କରୁଥିଲେ ଯେ ଆପଣ ଶୁଣିଲେ ମୁଣ୍ଡରେ ହାତଦେବେ । ପକେଟ ମାର୍ ଅଭିଯୋଗରେ ପଶ୍ଚିମବଙ୍ଗର ଜଣାଶୁଣା ଅଭିନେତ୍ରୀ ରୂପା ଦତ୍ତାଙ୍କୁ କୋଲକତା ପୋଲିସ ଗିରଫ କରିଛି । ଏହି ଘଟଣା କୋଲକତା ଠାରେ ଅନୁଷ୍ଠିତ ହେଉଥିବା ଇଣ୍ଟର ନ୍ୟାସନାଲ ପୁସ୍ତକ ମେଳାରେ ଘଟିଛି । ଉତ୍ତର ବିଧାନନଗର ପୋଲିସର କହିବା ମୁତାବକ ମେଳାରେ ହାଜର ହଜାର ଲୋକ ରୁଣ୍ଡ ହୋଇଥାନ୍ତି । ଏହାର ସୁଯୋଗ ନେଇ ରୂପା ଦତ୍ତା ମହିଳାଙ୍କ ଠାରୁ ପକେଟମାର କରୁଥିଲେ । ସେ ଜଣେ ମହିଳାଙ୍କ ମନିପର୍ସ ଚୋରାଇ ଆଣି ତା ମଧ୍ୟରୁ ସମସ୍ତ ଟଙ୍କା କାଢିନେଇ ତାହାକୁ ଡଷ୍ଟବିନରେ ପକାଉଥିବା ବେଳେ ଏହାକୁ ନେଇ ପୋଲିସ ସନ୍ଦେହ କରିଥିଲା । ଏହାପରେ ପୋଲିସ ରୁପା ଦତ୍ତାଙ୍କୁ ପଚରା ଉଚରା କରିବା ପରେ ରୂପା ପୋଲିସ ଆଗରେ ସମସ୍ତ କଥା ସ୍ୱୀକାର କରିଥିଲେ । ଏନେଇ ପୋଲିସ ରୂପାଙ୍କୁ ଯାଂଚ କରିବାରୁ ତାଙ୍କ ବ୍ୟାଗରୁ ଅନେକ ମନିପର୍ସ ମିଳିବା ସହ ନଗଦ ୭୫ ହଜାର ଟଙ୍କା ମିଳିଥିବା କଥା ପୋଲିସ କହିଛି । ଅଭିନେତ୍ରୀ ଜଣଙ୍କ କିଛିବର୍ଷ ତଳେ ଅନୁରାଗ କଶ୍ୟପଙ୍କ ନାମରେ ସେକ୍ସ୍ରୁଆଲ ହାରାସମେଣ୍ଟ ଭଳି ଅଭିଯୋଗ ଆଣି ଚର୍ଚ୍ଚାକୁ ଆସିଥିଲେ । ଏନେଇ ପୋଲିସର ଜେରା ବେଳେ ରୂପା କହିଛନ୍ତି କି ଏହି କାମ ସେ ବହୁ ଆଗରୁ କରିଆସୁଛନ୍ତି ।
