ଗାଜିଆବାଦ : ଉତ୍ତରପ୍ରଦେଶର ଗାଜିଆବାଦରେ ଲୋମହର୍ଷଣକାରୀ ହତ୍ୟାକାଣ୍ଡ ଘଟିଛି ।ରବିବାର ବିଳମ୍ବିତ ରାତିରେ ଏଠାରେ କିଛି ଦୁର୍ବୃତ୍ତଏକ କପଡା ବ୍ୟବସାୟୀଙ୍କ ଘରେ ପ୍ରବେଶ କରି ଗୁଳି ଚଳାଇଥିଲେ । ଏଥିରେ ବ୍ୟବସାୟୀ ଏବଂ ତାଙ୍କର ଦୁଇ ପୁଅ ଘଟଣାସ୍ଥଳରେ ମୃତ୍ୟୁ ବରଣ କରିଥିଲେ । ବ୍ୟବସାୟୀଙ୍କ ପତ୍ନୀଙ୍କ ଅବସ୍ଥା ଗୁରୁତର ରହିଛି । ଦୁର୍ବୃତ୍ତଙ୍କ ପରିଚୟ ଏପର୍ଯ୍ୟନ୍ତ ଜଣାପଡିନାହିଁ । ପୋଲିସ ସିସିଟିଭି ଫୁଟେଜ ଯାଞ୍ଚ କରୁଛି ।
ଏହି ଘଟଣା ଲୋନି ପୋଲିସ ଷ୍ଟେସନ ନିକଟସ୍ଥ ଟୋଲି ଅଞ୍ଚଳରେ ଘଟିଛି । ପୋଲିସର ସୂଚନାନୁସାରେ ଏହି ଘଟଣା ରିୟାଜଉଦ୍ଦିନଙ୍କ ଘରେ ଘଟିଛି । ଘଟଣାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ଆଖପାଖର ଲୋକଙ୍କୁ ମଧ୍ୟ ପଚରାଉଚରା କରାଯାଉଛି, ଖୁବଶୀଘ୍ରୀ ଘଟଣାର ପର୍ଦ୍ଦାଫାସ ହେବ ବୋଲି ପୁଲିସ କହିଛି ।
