କୋଟାବାଟୋ : ଫିଲିପାଇନ୍ସରେ ଆଜି ଏକ ସାମରିକ ବିମାନ ଦୁର୍ଘଟଣା ଘଟିଛି । ଦୁର୍ଘଟଣା ଘଟିବା ସମୟରେ ବିମାନରେ ୮୫ ଜଣ ଥିଲେ । ସୂଚନା ଦେଇ ଫିଲିପାଇନ୍ସର ସାମରିକ ମୁଖ୍ୟ ସିରିଲିଟୋ ସୋବେଜନା କହିଛନ୍ତି ଯେ ଏହି ଦୁର୍ଘଟଣା ଦକ୍ଷିଣ ଫିଲିପାଇନ୍ସରେ ଘଟିଛି । ଗଣମାଧ୍ୟମର ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ୧୭ ଜଣଙ୍କ ମୃତ୍ୟୁ ହେବା ସହ ୪୦ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ସୂଚନା ଅନୁଯାୟୀ, ଫିଲିପାଇନ୍ସ ବାୟୁସେନା (PAF) ର ଏକ C-130 ବିମାନ ଯେଉଁଥିରେ ୮୫ ଜଣ ଲୋକ ଥିଲେ । ରବିବାର ସକାଳେ ପାଟିକୁଲ ସୁଲୁ ନିକଟରେ ଏକ ଦୁର୍ଘଟଣାର ସମ୍ମୁଖୀନ ହୋଇଥିଲେ । ବିମାନଟି ସୁଲୁ ପ୍ରଦେଶର ଜିଲୋ ଦ୍ୱୀପରେ ଅବତରଣ କରିବାକୁ ଚେଷ୍ଟା କରୁଥିବାବେଳେ ନିଆଁ ଲାଗିଯାଇଥିଲା ।
