ନୂଆଦିଲ୍ଲୀ : ଆଜି ଲୋକସଭାରେ କେନ୍ଦ୍ର ଅର୍ଥମନ୍ତ୍ରୀ ୨୦୨୨-୨୩ ଆର୍ଥିକ ବଜେଟ ଉପସ୍ଥାପନ କରିଛନ୍ତି । ବଜେଟରେ ଅର୍ଥମନ୍ତ୍ରୀ କହିଛନ୍ତି ଯେ ଚାଷୀଙ୍କୁ ଡିଜିଟାଲ ସେବା ଦିଆଯିବ, ତୈଳବୀଜ ଉତ୍ପାଦନକୁ ପ୍ରୋତ୍ସାହିତ କରିବା ପାଇଁ ଅଭିଯାନ ଆରମ୍ଭ ହେବ । ଏହା ବ୍ୟତୀତ ରାସାୟନିକ ମୁକ୍ତ ପ୍ରାକୃତିକ ଚାଷକୁ ସାରା ଦେଶରେ ପ୍ରୋତ୍ସାହନ ଦିଆଯିବ । ଏହାର ପ୍ରଥମ ପର୍ଯ୍ୟାୟ ଗଙ୍ଗା କୂଳରେ ୫ କିଲୋମିଟର ବ୍ୟାସାର୍ଦ୍ଧରେ ଆରମ୍ଭ ହେବ । ଚଳିତ ଆର୍ଥିକ ବର୍ଷରେ ଏମଏସପି ଅଧୀନରେ ଚାଷୀଙ୍କ ଠାରୁ ୨.୩୭ ଲକ୍ଷ କୋଟି ଟଙ୍କା ମୂଲ୍ୟର ଖାଦ୍ୟ ଶସ୍ୟ କ୍ରୟ କରାଯାଇଛି । ଅର୍ଥମନ୍ତ୍ରୀ କହିଛନ୍ତି ଯେ ଆମେ ୨୦୨୩ କୁ କଠିନ ଶସ୍ୟର ବର୍ଷ ବୋଲି ଘୋଷଣା କରିବାକୁ ନିଷ୍ପତ୍ତି ନେଇଛୁ ।
୨୦୨୩ ବର୍ଷକୁ ସରକାର କଠିନ ଶସ୍ୟର ବର୍ଷ ବୋଲି ଘୋଷଣା କରିଛନ୍ତି ।କଠିନ ଶସ୍ୟ ଉତ୍ପାଦର ଜାତୀୟ ତଥା ଆନ୍ତର୍ଜାତୀୟ ବ୍ରାଣ୍ଡିଂ ଉପରେ ସରକାର ଗୁରୁତ୍ୱ ଦେବେ । ଏଥି ସହିତ ଅର୍ଥମନ୍ତ୍ରୀ ନିର୍ମଳା ସୀତାରମଣ ୪୪୬୦୫ କୋଟି ଟଙ୍କା ବ୍ୟୟରେ କେନ-ବେଟୱା ଲିଙ୍କ ପ୍ରକଳ୍ପ ଆରମ୍ଭ କରିବାକୁ ଘୋଷଣା କରିଛନ୍ତି । କୃଷକମାନଙ୍କୁ ଡିଜିଟାଲ ଏବଂ ହାଇ-ଟେକ୍ ସେବା ଯୋଗାଇବା ପାଇଁ ଅର୍ଥମନ୍ତ୍ରୀ ପିପିପି ମଡେଲର ଶୁଭାରମ୍ଭ ଘୋଷଣା କରିଛନ୍ତି । ତେବେ ପ୍ରଧାନମନ୍ତ୍ରୀ କିସାନ ଯୋଜନା ପରିମାଣ ବିଷୟରେ ଅର୍ଥମନ୍ତ୍ରୀ କିଛି କହି ନାହାଁନ୍ତି ।
ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଦ୍ୱାରା ଉପସ୍ଥାପିତ ବଜେଟ୍ ପୂର୍ବରୁ ବିଶେଷଜ୍ଞମାନେ ଆକଳନ କରିଛନ୍ତି ଯେ ସରକାରଙ୍କ ଏହି ବଜେଟ୍ ନିର୍ବାଚନ ରାଜ୍ୟବାସୀଙ୍କ ପାଇଁ ଏକ ଉପହାର ହୋଇପାରେ । ବିଶେଷକରି ସେହି କୃଷକମାନଙ୍କ ପାଇଁ ଯେଉଁମାନେ ତିନୋଟି କୃଷି ଆଇନ ପାଇଁ ସରକାରଙ୍କୁ ଟାର୍ଗେଟ କରୁଛନ୍ତି । ଏକ ବର୍ଷରୁ ଅଧିକ ସମୟ ଧରି ଚାଲିଥିବା ଚାଷୀଙ୍କ ଆନ୍ଦୋଳନରୁ ସରକାର ପଛପଟରେ ଅଛନ୍ତି । ଏଭଳି ପରିସ୍ଥିତିରେ ସରକାର ଏହି ବଜେଟରେ ଚାଷୀଙ୍କ ପାଇଁ ଅନେକ ଯୋଜନାର ବାକ୍ସ ଖୋଲିଛନ୍ତି ।
