ଗୁଜୁରାଟର ଭାରୁଚରେ ନୀରଜ ନାମଧାରୀ ଲୋକଙ୍କ ପାଇଁ ଏକ ସ୍ଥାନୀୟ ପେଟ୍ରୋଲ ପମ୍ପ ଏକ ବିଶେଷ ଅଫର ଘୋଷଣା କରିଛି । , ନିକଟରେ ଅନୁଷ୍ଠିତ ଟୋକିଓ ଅଲିମ୍ପିକ୍ସରେ ଜାଭେଲିନ ଥ୍ରୋରେ ଭାରତ ପାଇଁ ସ୍ୱର୍ଣ୍ଣ ପଦକ ଜିତିଥିବା ନୀରଜଙ୍କ ପାଇଁ ବିଜୟ ଉତ୍ସବ ପାଳନ କରିବା ପାଇଁ ପେଟ୍ରୋଲ ପମ୍ପର ମାଲିକ ଏମିତି ଘୋଷଣା କରିଛନ୍ତି । ଘୋଷଣା ଅନୁଯାୟୀ ନୀରଜ ନାମକ ଲୋକଙ୍କୁ ୫୦୧ ଟଙ୍କାର ମାଗଣା ପେଟ୍ରୋଲ ଦିଆଯିବ ।
ପେଟ୍ରୋଲ ପମ୍ପ ମାଲିକ ଆୟୁବ ପଠାନ କହିଛନ୍ତି ଯେ ସମସ୍ତ “ନୀରଜ” ନାମକ ଲୋକଙ୍କୁ ୫୦୧ ଟଙ୍କା ମୂଲ୍ୟର ମାଗଣା ପେଟ୍ରୋଲ ଦିଆଯିବ, ଯେଉଁମାନେ ଏକ ବୈଧ ପରିଚୟ ପତ୍ର ଉପସ୍ଥାପନ କରିବା ପରେ ପେଟ୍ରୋଲ ନେଇପାରିବେ ।
ଆୟୁବ ପଠାନ କହିଛନ୍ତି ଯେ ଏହି ଅଫର ମାଧ୍ୟମରେ ସେ ଭାରତକୁ ଗୌରବାନ୍ୱିତ କରିଥିବା ଆଥଲେଟ୍ଙ୍କ ବିଜୟ ଉତ୍ସବ ପାଳନ କରିବାକୁ ଚାହୁଁଛନ୍ତି ।
ସେ ଆହୁରି କହିଛନ୍ତି, “ଟୋକିଓ ଗେମ୍ସରେ ଭାରତ ପାଇଁ ସ୍ୱର୍ଣ୍ଣ ଜିତିଥିବା ନୀରଜ ଚୋପ୍ରାଙ୍କୁ ଶୁଭେଚ୍ଛା ଜଣାଇବା ପାଇଁ ଆମେ ନୀରଜ ନାମକ ଲୋକଙ୍କ ପାଇଁ ଏକ ଯୋଜନା ଆରମ୍ଭ କରିଥିଲୁ । ଏହି ଯୋଜନା ଅନୁଯାୟୀ ନୀରଜ ନାମଧାରୀ ଲୋକଙ୍କୁ ୫୦୧ ଚଭ୍ରା ମୂଲ୍ୟର ପେଟ୍ରୋଲ ମାଗଣାରେ ଦିଆଯିବ । ସେମାନେ ତାଙ୍କର ଏକ ଆଇଡି ପ୍ରୁଫ୍ ଦେଖାଇ ଏହି ଲାଭ ଉଠାଇପାରିବେ । ରବିବାର ଦିନ ଆମେ ଏହି ଦୁଇ ଦିନିଆ ଯୋଜନା ଆରମ୍ଭ କରିଥିଲୁ ।
ପଠାନ କହିଛନ୍ତି ଯେ ଏହି ଯୋଜନାରେ ୩୦ ଜଣ ଲୋକ ସୁବିଧା ପାଇପାରିଛନ୍ତି ।
ଏହି ଯୋଜନାର ଜଣେ ହିତାଧିକାରୀ କହିଛନ୍ତି, “ପ୍ରଥମେ ମୁଁ ଏହା ଏକ ପ୍ରତାରଣା ବୋଲି ଭାବିଥିଲି, କିନ୍ତୁ ପମ୍ପରେ ପହଞ୍ଚିବା ପରେ ଜାଣିଲି ଏହା ପ୍ରକୃତରେ ସତ ଅଟେ ।”
