ନୂଆଦିଲ୍ଲୀ ୧୦/୦୮ : ଉଜ୍ଜଳା ଯୋଜନା ୨.୦ର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଉତ୍ତର ପ୍ରଦେଶର ମହୋବାରୁ ଉଜ୍ଜଳା ୨.୦ର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ । ୨୦୧୬ ମେ ୧ ତାରିଖରେ ଉତ୍ତର ପ୍ରଦେଶର ବାଲିୟାରୁ ହିଁ ପ୍ରଥମେ ଏହି ଯୋଜନାର ଶୁଭାରମ୍ଭ କରାଯାଇଥିଲା ।
ସର୍ବପ୍ରଥମେ ଦେଶର ୫ କୋଟି ବିପିଏଲ ହିତାଧିକାରୀ ମହିଳାଙ୍କୁ ପ୍ରଧାନମନ୍ତ୍ରୀ ଉଜ୍ଜଳା ଯୋଜନାର ସାମିଲ କରାଯିବାକୁ ଲକ୍ଷ ରଖାଯାଇଥିଲା । ଏହାକୁ ସଫଳତାର ସହ ପୂରଣ କରିଥିଲେ କେନ୍ଦ୍ର ସରକାର । ତେବେ ବର୍ତ୍ତମାନ ଉଜ୍ଜଳା ଯୋଜନାର ଦ୍ବିତୀୟ ଖେପ୍ ବା ୨.୦ ଆରମ୍ଭ କରାଯାଇଛି । ଏହାର ଲାଭ କେବଳ ପୂର୍ବରୁ ଏଲପିଜି ସଂଯୋଗ ପାଇନଥିବା ହିତାଧିକାରୀ ହିଁ ପାଇପାରିବେ । ପ୍ରଧାନମନ୍ତ୍ରୀ ଉଜ୍ଜଳା ଯୋଜନା ୨.୦ରେ ସାମିଲ ହେବା ପାଇଁ ଉର୍ଦ୍ଧିଷ୍ଟ ଓ୍ବେବ୍ସାଇଟ୍ pmuy.gov.in କୁ ଯାଇ ଆବେଦନ କରିପାରିବେ ।
