ଘୁ ଉଦୟଗିରି : ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଆଜି ପ୍ରାର୍ଥୀ ପତ୍ର ଦାଖଲର ପ୍ରଥମ ଦିନରେ ଘୁ.ଉଦୟଗିରି ବ୍ଲକର ୮ଗୋଟି ପଞ୍ଚାୟତରୁ କେବଳ ୪ଗୋଟି ପଞ୍ଚାୟତରେ ମାତ୍ର ୭ଜଣ ୱାର୍ଡ ମେମ୍ବର ପାଇଁ ନିଜ ନିଜ ପ୍ରାର୍ଥୀପତ୍ର ନିର୍ବାଚନ ଅଧିକାରୀ ତଥା ସ୍ଥାନୀୟ ବିଡିଓ ଆଶିଶ ତ୍ରିପାଠୀଙ୍କ ନିକଟରେ ଦାଖଲ କରିଥିବା ସୂଚନା ମିଳିଛି । ତଲାରୀମାହା ପଞ୍ଚାୟତରୁ ଜଣେ, କଳିଙ୍ଗାରୁ ୨ଜଣ, ରଟିଙ୍ଗିଆରୁ ୩ଜଣ ଏବଂ ଲିଙ୍ଗାଗଡ଼ରୁ ଜଣେ ୱାର୍ଡମେମ୍ବର ପ୍ରାର୍ଥୀ ନିଜ ପ୍ରାର୍ଥୀପତ୍ର ଦାଖଲ କରିଛନ୍ତି । ଜିଲ୍ଲାପରିଷଦ,ସରପଞ୍ଚ ଏବଂ ସମିତିସଭ୍ୟ ପଦବୀ ପାଇଁ ପ୍ରଥମ ଦିନରେ କେହି ମଧ୍ୟ ନାମାଙ୍କନ ପତ୍ର ଦାଖଲ କରିନଥିବା ସୂଚନା ମିଳିଛି ।
