ଭୁବନେଶ୍ୱର,: ରାଜ୍ୟରେ ପଞ୍ଚାୟତ ନିର୍ବାଚନ ପାଇଁ ପ୍ରସ୍ତୁତି ଓ ପ୍ରକ୍ରିୟା ଏବେ ଅଧିକ ଜୋର ଧରିଛି । ରାଜ୍ୟ ନିର୍ବାଚନ ଏଦିଗରେ ଗୋଟିଏ ପରେ ପଦକ୍ଷେପ ଗ୍ରହଣ କରୁଛନ୍ତି । ଏହି କ୍ରମରେ କମିଶନଙ୍କ କାର୍ଯ୍ୟାଳୟରୁ ଆଜି ପଞ୍ଚାୟତକୁ ଭୋଟରଙ୍କ ପାଇଁ ବ୍ୟବହୃତ କାଳି, ପଞ୍ଚାୟତ ମାନୁଆଲ ଓ ଷ୍ଟାମ୍ପ ପଠାଯାଇଛି । ପୂର୍ବରୁ ବାଲାଟ ବାକ୍ସ ପଠାଯାଇଥିଲା । ଆଉ ଦିନ କେଇଟା ପରେ ଘୋଷଣା ହୋଇପାରେ ପଞ୍ଚାୟତ ନିର୍ବାଚନ ତାରିଖ । ଆଲ୍ଫାବେଟିକ୍ ଅନୁସାରେ ପ୍ରଥମ ପର୍ଯ୍ୟାୟରେ ୧୦ ଜିଲ୍ଲାକୁ ଏହି ସବୁ ସାମଗ୍ରୀ ପଠାଯାଇଛି । ଏହାପରେ ଗୁରୁବାର ଅର୍ଥାତ ଆସନ୍ତାକାଲି ଆଉ ୧୦ ଏବଂ ଶୁକ୍ରବାର ଆଉ ୧୦ ଏଡିପରି ଦୁଇ ଦିନରେ ୨୦ ଜିଲ୍ଲାକୁ ଏହି ସବୁ ସାମଗ୍ରୀ ପଠାଯିବ । ଆସନ୍ତା ୧୦ ତାରିଖରେ ସର୍ବଦଳୀୟ ବୈଠକ ବସିବ । ପଞ୍ଚାୟତ ନିର୍ବାଚନ ନେଇ ସବୁ ଦଳର ପ୍ରତିନିଧିଙ୍କ ସହ ଆଲୋଚନା କରିବେ ନିର୍ବାଚନ କମିଶନର । ପରେ ଆସନ୍ତା ୧୨ ତାରିଖରେ ବସିବ ଅଧିକାରୀସ୍ତରୀୟ ବୈଠକ । ଏହାପରେ ଆଗାମୀ ପଞ୍ଚାୟତ ନିର୍ବାଚନ ନେଇ ତାରିଖ ଘୋଷଣା କରିବେ ରାଜ୍ୟ କମିଶନର ।
