ହୋମଗାର୍ଡ ମୃତ, ଆଇଆଇସି ଆହତ I
ବାରିପଦା : ପୋଲିସ ଗାଡ଼ି ସଂପୂର୍ଣ୍ଣ ଚୁରମାର୍ । ହୋମଗାର୍ଡଙ୍କ ମୃତ୍ୟୁ ଘଟିଥିବା ବେଳେ ଆଇଆଇସିଙ୍କ ସମେତ ୪ ଜଣ ଆହତ ହୋଇଥିବାର ସୂଚନା ମିଳିଛି। ଜୀବନ ବଞ୍ଚାଇବା ପାଇଁ ଡାକ୍ତରଖାନା ପହଞ୍ଚିବାକୁ ପ୍ରଥମେ ଖୋଜାପଡ଼େ ଆମ୍ବୁଲାନ୍ସ। ମାତ୍ର ଜୀବନ ନେଇଗଲା ଆମ୍ବୁଲାନ୍ସ। ବାରିପଦାରେ ଘଟିଛି ଏପରି ହୃଦୟ ବିଦାରକ ଘଟଣା । ବାରିପଦାର ଉଦଳାରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ପୋଲିସ ଭ୍ୟାନକୁ ଧକ୍କା ଦେଇଛି ୧୦୮ ଆମ୍ବୁଲାନ୍ସ । ସୂଚନା ଅନୁସାରେ ଏଥିରେ ହୋମଗାର୍ଡଙ୍କ ମୃତ୍ୟୁ ଘଟିଥିବା ବେଳେ ଆଇଆଇସିଙ୍କ ସମେତ ୪ ଜଣ ଆହତ ହୋଇଛନ୍ତି I ଉଦଳା ପେଟ୍ରୋଲ ପମ୍ପ ନିକଟରେ ଘଟିଛି ଦୁର୍ଘଟଣା। ଏଥିରେ ପୋଲିସ ଗାଡ଼ି ସମ୍ପୂର୍ଣ୍ଣ ଚୁରମାର୍ ହୋଇଯାଇଛି । ଗୁରୁତର ଆଇଆଇସି ଓ ଡ୍ରାଇଭରଙ୍କୁ କଟକ ସ୍ଥାନାନ୍ତର କରାଯାଇଛି ।
ସୂଚନା ଅନୁସାରେ, ପୋଲିସ ଭ୍ୟାନକୁ ରାସ୍ତା କଡ଼ରେ ପାର୍କିଂ କରିବା ପରେ ପୋଲିସ ଅଧିକାରୀମାନେ ଜଣେ ବ୍ୟକ୍ତିଙ୍କୁ ପଚରାଉଚରା କରୁଥିବାବେଳେ ହଠାତ୍ ଆମ୍ବୁଲାନ୍ସଟି ଆସି ଭ୍ୟାନ ହେଡ-ଅନ ସହିତ ମୁହାଁମୁହିଁ ଧକ୍କା ହୋଇଥିଲା। ଏହାର ପ୍ରଭାବ ଏତେ ଭୟଙ୍କର ଥିଲା ଯେ ପୋଲିସ୍ ଭ୍ୟାନ୍ ତିନିଥର ଓଲଟି ପଡିଥିଲା ଏବଂ ଆମ୍ବୁଲାନ୍ସ ଏହାକୁ କିଛି ଦୂର ପାଇଁ ଟାଣି ନେଇଥିଲା।
ପ୍ରତ୍ୟକ୍ଷଦର୍ଶୀଙ୍କ କହିବାନୁସାରେ, ୧୦୮ ଆମ୍ବୁଲାନ୍ସ ଜଣେ ରୋଗୀକୁ ଛାଡ଼ି କାପ୍ଟିପଡା ଅଭିମୁଖେ ଯାଉଥିବା ବେଳେ ବରିପଡାଠାରୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା | ଧକ୍କା ହେବାରୁ ଆମ୍ବୁଲାନ୍ସ ଡ୍ରାଇଭର ଗାଡି ଉପରେ ନିୟନ୍ତ୍ରଣ ହରାଇଥିବା ଅଭିଯୋଗ ହୋଇଛି।
