ପୁରୀ : ଆଜି ପୁରୀ ରେଳବାଇ କଲ୍ୟାଣି ମଣ୍ଡପ ଠାରେ ଓଡିଶା ଆମେଚର ବକ୍ସିଂ ଆସୋସେସନ ତରଫରୁ ଜିଲ୍ଲା କ୍ରୀଡ଼ା ସଂସଦ ସହଯୋଗରେ ଆୟୋଜିତ ଜିଲ୍ଲାସ୍ତରୀୟ ଯୁବ ବାଳକ ଓ ବାଳିକା ବକ୍ସିଂ ରାଜ୍ୟ ଦଳ ଚୟନ ପ୍ରକ୍ରିୟା ଅନୁଷ୍ଠିତ ହୋଇଥିଲା । ଏଥିରେ ବିଭିନ୍ନ ଜିଲ୍ଲାରୁ ୬୦ ଯୁବ ଖେଳାଳୀ ଖେଳାଳି ଅଂଶଗ୍ରହଣ କରିଥିଲେ । ପ୍ରଥମ ସ୍ଥାନ ଅଧିକାର କରିଥିବା ଖେଳାଳୀ ମାନେ ଆସନ୍ତା ୫ ତାରିଖ ଦିନ ତାମିଲନାଡୁ ଠାରେ ଅନୁଷ୍ଠିତ ହେବାକୁ ଥିବା ୫ମ ଯୁବ ବାଳକ ଓ ବାଳିକା ଜାତୀୟ ପ୍ରତିଯୋଗିତାରେ ଅଂଶ ଗ୍ରହଣ କରିବେ ।
ଆଜିର ଏହି ଚୟନ ଶିବିରରେ ପୁରୀ ବିଧାୟକ ଜୟନ୍ତ କୁମାର ଷଡ଼ଙ୍ଗୀ, ପୂର୍ବତନ ନଗରପାଳ ଗୌରହରି ପ୍ରଧାନ, ଯୁବ ନେତା ଶୁଭାଶିଷ ଖୁଣ୍ଟିଆ, ଅନ୍ତର୍ଜାତୀୟ ବଡ଼ିବିଲ୍ଡର ଅନୀଲ ଗୋଛିକାର, ପୁରୀ ଜିଲ୍ଲା କ୍ରୀଡା ସଂସଦ ସମ୍ପାଦକ ରବିଶଙ୍କର ପ୍ରତିହାରୀ, ରାଜ୍ୟ ବକ୍ସିଂ ସଂଘର ସମ୍ପାଦକ ଅନୀଲ କୁମାର ବାଇଦର ଓ ଉପ ସଭାପତି ସୁଦର୍ଶନ ସାହୁ ଅତିଥି ଭାବେ ଯୋଗ ଦେଇଥିଲେ ।
