ନୂଆଦିଲ୍ଲୀ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଦ୍ୱିତୀୟ ODI ଆଜି ଆଡିଲେଡ୍ରେ ଖେଳାଯାଉଛି। ଅଷ୍ଟ୍ରେଲିଆ ଅଧିନାୟକ ମିଚେଲ ମାର୍ଶ ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଅଷ୍ଟ୍ରେଲିଆ ଦଳ ତିନୋଟି ପରିବର୍ତ୍ତନ କରିଛି, ଯେତେବେଳେ ଭାରତୀୟ ଦଳ କୌଣସି ପରିବର୍ତ୍ତନ ବିନା ପଡିଆକୁ ଓହ୍ଲାଇଛି। ଅଷ୍ଟ୍ରେଲିଆ ତିନି ମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜର ପ୍ରଥମ ମ୍ୟାଚ୍ ଜିତିଛି। ତେଣୁ, ଏହି ମ୍ୟାଚ୍ ଟିମ୍ ଇଣ୍ଡିଆ ପାଇଁ କର ବା ମର ପରିସ୍ଥିତି, କାରଣ ପରାଜୟ ସହିତ ସିରିଜ୍ ହାରିବା ମଧ୍ୟ ହୋଇପାରେ। ଆଜି ଭାରତ ପ୍ରଥମେ ବ୍ୟାଟିଂ କରି ରୋହିତ ଶର୍ମା ଓ ଶ୍ରେୟସ ଆୟରଙ୍କ ଅର୍ଦ୍ଧଶତକୀୟ ଇନିଂସ ବଳରେ ନିର୍ଦ୍ଧାରିତ 50 ଓଭର ଖେଳି 9 ଓ୍ବିକେଟ ହରାଇ 264 ରନ କରିପାରିଥିଲା । ରୋହତ ଶର୍ମା 97 ବଲରେ 71 ରନ କରିଥିବା ବେଳେ ଶ୍ରେୟସ ଆୟର 77 ବଲରେ 61 ରନ କରି ଆଉଟ୍ ହୋଇଥିଲେ । ସେହିପରି ଅକ୍ଷର ପଟେଲ 41 ବଲରେ 44 ରନ କରିଥିବା ବେଳେ ଶେଷ ଭାଗରେ ହର୍ଷିତ ରାଣା 24 ରନ କରି ଅପରାଜିତ ରହିଥିଲେ । ବୋଲିଂରେ ଜାମ୍ପାଙ୍କୁ 4 ଓ୍ବିକେଟ ମିଳିଥିବା ବେଳେ ବାର୍ଟଲେଟ୍ ଙ୍କୁ 3 ଓ୍ବିକେଟ ମିଳିଥିଲା।
