ଚେନ୍ନାଇ : ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନୀ ଆଜି ନିଜ ପଦରୁ ଇସ୍ତଫା ଦେଇଛନ୍ତି । ଆଗାମୀ ସିଜିନ ପାଇଁ ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜାଙ୍କୁ ଏହି ଦାୟିତ୍ୱ ଦେଇଛି ଫ୍ରାଞ୍ଚାଇଜ । ଚେନ୍ନାଇ ଟିମ୍ ଏହି ସିଜିନରେ ଜଡେଜା ଓ ଧୋନୀଙ୍କ ସମେତ ୪ ଖେଳାଳିଙ୍କୁ ରିଟେନ୍ କରିଥିଲା । ଜାଡେଜାଙ୍କୁ ଫ୍ରାଞ୍ଚାଇଜ ୧୬କୋଟି ଟଙ୍କାରେ ରିଟେନ କରିଥିବା ବେଳେ ଧୋନୀଙ୍କୁ ୧୨, ମୋଇନ ଅଲ୍ଲିଙ୍କୁ ୮ ଓ ଋତୁରାଜ ଗାଏକ୍ୱଡଙ୍କୁ ୬କୋଟି ଦେଇ ରିଟେନ କରିଥିଲା । ସୂଚନାଯୋଗ୍ୟ ଯେ, ଜାଡେଜା ୨୦୧୨ରୁ ଚେନ୍ନାଇ ଟିମ ସହିତ ରହିଛନ୍ତି । ଜାଡେଜା ସିଏସକେର ତୃତୀୟ ଅଧିନାୟକ ହେବ । ୨୦୦୮ରୁ ଧୋନୀ ଏହି ଦଳର ନେତୃତ୍ୱ ନେଇ ଆସିଛନ୍ତି । ସେ ୨୧୩ଟି ମ୍ୟାଚରେ ଅଧିନାୟକତ୍ୱ କରି ୧୩୦ ମ୍ୟାଚରେ ଦଳକୁ ବିଜୟୀ କରାଇଥିବା ବେଳେ ରାଇନା ୬ଟି ମ୍ୟାଚରେ ଅଧିନାୟକତ୍ୱ କରି ମାତ୍ର ୨ଟି ମ୍ୟାଚ୍ ଦଳକୁ ବିଜୟ କରାଇଥିଲେ ।
