ନୂଆଦିଲ୍ଲୀ : ଶ୍ରୀଲଙ୍କା ବିପକ୍ଷରେ ଚାଲିଥିବା ଟି-୨୦ ସିରିଜ୍ ପାଇଁ ବିରାଟ କୋହଲିଙ୍କୁ ବିଶ୍ରାମ ଦିଆଯାଇଛି, କିନ୍ତୁ ପୂର୍ବତନ ଅଧିନାୟକ ମାର୍ଚ୍ଚରେ ହେବାକୁ ଥିବା ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପାଇଁ ଦଳକୁ ଫେରିବେ । ଭାରତ ଏବଂ ଶ୍ରୀଲଙ୍କା ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ ମାର୍ଚ୍ଚ ୪ ରୁ ମୋହାଲିର ପିସିଏ ଷ୍ଟାଡିୟମରେ ଖେଳାଯିବ । ବିରାଟ କୋହଲିଙ୍କ ପାଇଁ ଏହି ମ୍ୟାଚ୍ ସ୍ୱତନ୍ତ୍ର ହେବାକୁ ଯାଉଛି, କାରଣ ସେ ତାଙ୍କର ୧୦୦ ତମ ଟେଷ୍ଟ ମ୍ୟାଚ୍ ଖେଳିବାକୁ ପଡିଆକୁ ଓହ୍ଲାଇବେ ।
ଏହି ମ୍ୟାଚ୍ ପୂର୍ବରୁ ଦର୍ଶକଙ୍କ ପାଇଁ ଖରାପ ଖବର ଆସିଛି । ବିସିସିଆଇ ମୋହାଲି ଟେଷ୍ଟ ପାଇଁ ଦର୍ଶକଙ୍କ ପ୍ରବେଶକୁ ଅନୁମତି ଦେଇନାହିଁ । ମାର୍ଚ୍ଚ ୪ ରୁ ଆରମ୍ଭ ହେବାକୁ ଥିବା ଟେଷ୍ଟ ବିନା ଦର୍ଶକରେ ଖେଳାଯିବ । କିଛି ପ୍ରଶଂସକ ବିସିସିଆଇର ଏହି ନିଷ୍ପତ୍ତି ଉପରେ ଅତ୍ୟଧିକ କ୍ରୋଧିତ ଏବଂ ବିସିସିଆଇର ଏହି ନିଷ୍ପତ୍ତିକୁ ଦୃଢ ସମାଲୋଚନା କରିଛନ୍ତି ।
ପ୍ରଶଂସକମାନେ କହିଛନ୍ତି ଯେ ଭାରତୀୟ ଦଳ ପ୍ରଶଂସକଙ୍କ ଉପସ୍ଥିତିରେ ଅନେକ ମ୍ୟାଚ୍ ଖେଳୁଛନ୍ତି, ଏପରିକି ବେଙ୍ଗାଲୁରୁରେ ହେବାକୁ ଥିବା ଦ୍ୱିତୀୟ ଟେଷ୍ଟ ମ୍ୟାଚ୍ ପାଇଁ ଦର୍ଶକଙ୍କୁ ଷ୍ଟାଡିୟମକୁ ଆସିବାକୁ ଅନୁମତି ଦେଇଛନ୍ତି, ଯେଉଁଠି ମୋହାଲି ଅପେକ୍ଷା କୋଭିଡ ମାମଲା ଅଧିକ ରହିଛି ।ବିନା ଦର୍ଶକରେ ନିଜର
