ମୁମ୍ବାଇ: ବଲିଉଡରେ ବିବାହ ଋତୁ ଚାଲିଛି । ନିକଟରେ ଆଲିଆ ଭଟ୍ଟ ଓ ରଣବୀର କପୁରଙ୍କ ବିବାହ ହୋଇଛି । ଉଭୟଙ୍କ ପଡିଛି ହାତଗଣ୍ଡି । ରଣବୀରଙ୍କ ଘରକୁ ବୋହୂ ହୋଇ ଯାଇଛନ୍ତି ସୁନ୍ଦରୀ ଆଲିଆ । ତେବେ ବର୍ତ୍ତମାନ ଏହି ତାଲିକାରେ ଆଉ ଏକ ନାମ ଯୋଡି ହେବାକୁ ଯାଉଛି । ସେମାନେ ହେଉଛନ୍ତି ଆଥିଆ ଶେଟ୍ଟୀ ଏବଂ କ୍ରିକେଟର କେ.ଏଲ ରାହୁଲ । ଦୁହିଁଙ୍କର ବିବାହ ଖବର ଏବେ ସାମ୍ନାକୁ ଆସୁଛି । ଯେଉଁଥିରେ ଦମ୍ପତିଙ୍କ ବିବାହ ପାଇଁ ପ୍ରସ୍ତୁତି ଆରମ୍ଭ ହୋଇଥିବା ନେଇ ଚର୍ଚ୍ଚା ଜୋର ଧରିଛି । ଦୁହେଁ ୨୦୨୨ ଶେଷରେ ବିବାହ କରିବେ ବୋଲି କୁହାଯାଉଛି ।
ବଲିଉଡ ଅଭିନେତା ସୁନୀଲ ଶେଟ୍ଟୀଙ୍କ ଝିଅ ଆଥିଆ ଶେଟ୍ଟୀ ତାଙ୍କ ବ୍ୟକ୍ତିଗତ ଜୀବନ ପାଇଁ ଅନେକ ସମୟରେ ଚର୍ଚ୍ଚାରେ ରହିଥାନ୍ତି । ତିନି ବର୍ଷରୁ ଅଧିକ ସମୟ ହେବ ଆଥିଆ ରାହୁଲ ପରସ୍ପରକୁ ଡେଟ୍ କରି ଆସୁଛନ୍ତି । ଅନେକ ସମୟରେ ଦୁହିଁଙ୍କୁ ଏକାଠି ଦେଖିବାକୁ ମିଳୁଛି । ତେବେ ଖୁବ୍ ଶୀଘ୍ର ଏ ଦୁହେଁ ବିବାହ କରିବେ ବୋଲି ଶୁଣିବାକୁ ମିଳୁଛି ।
