ମୁମ୍ବାଇ: ଚକ ଦେ ଇଣ୍ଡିଆ ଅଭିନେତ୍ରୀ ସାଗରିକା ଘାଟଗେ ଏବଂ ପୂର୍ବତନ ଭାରତୀୟ କ୍ରିକେଟର ଜାହିର ଖାନ ପ୍ରଥମ ସନ୍ତାନକୁ ସ୍ବାଗତ କରିଛନ୍ତି। ଏହି ଦମ୍ପତି ଇନଷ୍ଟାଗ୍ରାମ ହ୍ୟାଣ୍ଡେଲରେ ପୁଅର ଦୁଇଟି ଫଟୋ ଶେୟାର କରି ପ୍ରଶଂସକଙ୍କୁ ଏହି ଖୁସିଖବର ଦେଇଛନ୍ତି।
ସାଗରିକା-ଜାହିରଙ୍କ ଦ୍ୱାରା ଶେୟାର କରାଯାଇଥିବା ଦୁଇଟି ଫଟୋ କଳା-ଧଳା। ଗୋଟିଏ ଫଟୋରେ, ଦମ୍ପତି ପୁଅକୁ ଧରି ପୋଜ ଦେଉଥିବାର ଦେଖାଯାଉଛି। ଦ୍ୱିତୀୟ ଫଟୋରେ, ଶିଶୁଟିର ହାତ ଦୃଶ୍ୟମାନ ହେଉଛି। ଏହି ଫଟୋ ଶେୟାର କରି, ଦମ୍ପତି କ୍ୟାପସନରେ ଲେଖିଛନ୍ତି – ପ୍ରେମ, କୃତଜ୍ଞତା ଏବଂ ଦିବ୍ୟ ଆଶୀର୍ବାଦ ସହିତ ଆମେ ଆମର ଆଦରର ଛୋଟ ଶିଶୁ ଫତେହସିଂ ଖାନଙ୍କୁ ସ୍ବାଗତ କରୁଛୁ।
ସାଗରିକା ଏବଂ ଜାହିର ନଭେମ୍ବର ୨୦୧୭ରେ ବିବାହ କରିଥିଲେ। ଜାହିର ଆଜିକାଲି IPL 2025 ରେ ବ୍ୟସ୍ତ ଅଛନ୍ତି। ଏହି ସିଜନରେ ସେ ଲକ୍ଷ୍ନୌ ସୁପରଜାଏଣ୍ଟସର ବୋଲିଂ କୋଚ ଅଛନ୍ତି।
