ନୂଆଦିଲ୍ଲୀ : ଅଷ୍ଟ୍ରେଲିଆ ଏବେ ଜାରି ରହିଛି ଟି-୨୦ ବିଶ୍ୱକପ । ଏଥିରେ ଭାରତୀୟ ଦଳ ସାମିଲ ହୋଇଛି । ଏହି ଅବସରରେ ଏକ ସାଂଘାତିକ ଭିଡିଓ ସାମ୍ନାକୁ ଆସିଛି, ଯାହାକୁ ନେଇ କ୍ରିକେଟ ପ୍ରଶଂସକଙ୍କ ସହ ସେଲିବ୍ରେଟିମାନେ ଚିନ୍ତା ପ୍ରକଟ କରିଛନ୍ତି । ସାମ୍ନାକୁ ଆସିଥିବା ଭିଡିଓଟି ହେଲା ଭାରତର ପୂର୍ବତନ ଅଧିନାୟକ ତଥା ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲିଙ୍କ ହୋଟେଲ ରୁମର । ଏହା ଲିକ୍ ହେବା ପରେ ଖୋଦ୍ ବିରାଟ କୋହଲି ଏହାକୁ ନିଜ ଇନଷ୍ଟାଗ୍ରାମ ଷ୍ଟୋର ସେୟାର କରି ଚିନ୍ତା ପ୍ରକଟ କରିଛନ୍ତି । ଏହା ପରେ ବିରାଟଙ୍କ ପତ୍ନୀ ମଧ୍ୟ ଏହାକୁ ସେୟାର କରି ଖୋଦ ଜୋରରେ ରାଗି ଯାଇଥିବା ଜଣାପଡିଛି । ସେ ଭିଡିଓ ସହିତ ଏକ ନୋଟ୍ ମଧ୍ୟ ଲେଖିଛନ୍ତି । ବିରାଟ ଟି -୨୦ ବିଶ୍ୱକପ ପାଇଁ ଅଷ୍ର୍ଟ୍ରେଲିଆରେ ଅଛନ୍ତି । ସେଠାରେ ଥିବା ହୋଟେଲ ରୁମରୁ ତାଙ୍କର ଏକ ଭିଡିଓ ଭାଇରାଲ ହୋଇଛି । ଏଥିରେ ବିରାଟଙ୍କ ଶଯ୍ୟା ଏବଂ ଜିନିଷପତ୍ର ଦେଖାଯାଇଛି । ଏହି କ୍ଲିପ୍ ସୋସିଆଲ୍ ମିଡିଆରେ ଭାଇରାଲ୍ ହୋଇଛି । ବିରାଟଙ୍କ ସମେତ ଅନେକ ଲୋକ ଏହାକୁ ନାପସନ୍ଦ କରିଛନ୍ତି ।
ଅନୁଷ୍କା ଲେଖିଛନ୍ତି, ଅତୀତରେ ଏପରି ଅନେକ ଘଟଣା ଘଟିଥିଲା । ଯେତେବେଳେ ପ୍ରଶଂସକମାନେ ଆମ ଉପରେ ଦୟା କରିନଥିଲେ କିନ୍ତୁ ଏହା ସବୁଠାରୁ ଭୟଙ୍କର । ଅତ୍ୟନ୍ତ ଘୃଣା ଏବଂ ମାନବିକତାର ଉଲ୍ଲଂଘନ । ଯେକେହି ଏହାକୁ ଦେଖନ୍ତି ଏବଂ ଭାବନ୍ତି ଯେ ଯଦି ଆପଣ ଜଣେ ସେଲିବ୍ରିଟି, ତେବେ ଆପଣଙ୍କୁ ସାମ୍ନା କରିବାକୁ ପଡିବ, ଜାଣିବା ଉଚିତ୍ ଯେ ଆପଣ ମଧ୍ୟ ଏହି ସମସ୍ୟାର ଏକ ଅଂଶ ଅଟନ୍ତି । ଟିକିଏ ଆତ୍ମସଂଯମ ରହିବା ଉଚିତ୍ ବୋଲି ସେ ଲେଖିଛନ୍ତି । ଏଥିସହ ଯେତେବେଳେ ଆପଣଙ୍କ ଶୋଇବା ଘରେ ଏହା ହୋଇପାରେ ତାହା ହେଲା ସୀମା କେଉଁଠାରେ ଅଛି?
ଅନେକ ପ୍ୟାପ୍ ଏହି ଭିଡିଓ ସେୟାର କରିଛନ୍ତି ଯେଉଁଥିରେ ଲୋକଙ୍କ ପ୍ରତିକ୍ରିୟା ଦେଖାଯାଉଛି । ବିରାଟଙ୍କ ପ୍ରଶଂସକମାନେ ରାଗିଛନ୍ତି । ଜଣେ ଲେଖିଛନ୍ତି, ମ୍ୟାନେଜରଙ୍କ ଚାକିରି ଗଲା । ଏଥି ସହିତ ଲୋକମାନେ ଏହାକୁ ଏକ ଘୃଣ୍ୟ କାର୍ଯ୍ୟ ବୋଲି କହିଛନ୍ତି ।
ବିରାଟ ମଧ୍ୟ ଏହି ଭିଡିଓ ସେୟାର କରିଛନ୍ତି ଏବଂ ଲେଖିଛନ୍ତି, ମୁଁ ବୁଝି ପାରୁଛି ଯେ ପ୍ରଶଂସକମାନେ ସେମାନଙ୍କର ପ୍ରିୟ କ୍ରିକେଟରଙ୍କୁ ଦେଖିବା କିମ୍ବା ଭେଟିବା ପରେ ଉତ୍ସାହିତ ହୁଅନ୍ତି । ମୁଁ ସବୁବେଳେ ଏହାକୁ ପ୍ରଶଂସା କରି ଆସିଛି । କିନ୍ତୁ ଏହି ଭିଡିଓ ଭୟାନକ ଏବଂ ଏହା ମୋର ଗୋପନୀୟତା ବିଷୟରେ ମୋତେ ଭୟଭୀତ କଲା । ଯେତେବେଳେ ମୋର ହୋଟେଲ ରୁମରେ ମୋର ଗୋପନୀୟତା ରହିପାରୁନାହିଁ ତେବେ ଆଉ କେଉଁଠାରେ ମୋର ବ୍ୟକ୍ତିଗତ ଗୋପନୀୟତା ରହିପାରିବ ବୋଲି ସେ ପ୍ରଶ୍ନ କରିଛନ୍ତି । ସେ କହିଛନ୍ତି ଦୟାକରି ଲୋକଙ୍କ ଗୋପନୀୟତାକୁ ସମ୍ମାନ ଦିଅନ୍ତୁ ଏବଂ ସେମାନଙ୍କୁ ମନୋରଞ୍ଜନ ପରି ବ୍ୟବହାର କରନ୍ତୁ ନାହିଁ ।
