ନୂଆଦିଲ୍ଲୀ : ଭାରତୀୟ ମହିଳା କ୍ରିକେଟର ବେଦ କୃଷ୍ଣମୂର୍ତ୍ତି ଏବଂ କ୍ରିକେଟର ଅର୍ଜୁନ ହୋଏସାଲାଙ୍କ ନିର୍ବନ୍ଧ ଶେଷ ହୋଇଛି । ଅର୍ଜୁନ ଫିଲ୍ମ ଷ୍ଟାଇଲରେ ବେଦଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ଏହାର ଫଟୋ ଉଭୟେ ସୋସିଆଲ ମିଡିଆରେ ସେୟାର କରିଛନ୍ତି । ଅର୍ଜୁନ କର୍ଣ୍ଣାଟକ ପ୍ରିମିୟର ଲିଗରେ ଶିବାମୋଗା ଲାଇନ୍ସ ପକ୍ଷରୁ ଖେଳିବା ସହିତ ପ୍ରଥମ ଶ୍ରେଣୀ ମ୍ୟାଚ୍ ମଧ୍ୟ ଖେଳିଛନ୍ତି । ଏଥି ସହିତ ବେଦ ଜଣେ ଜଣାଶୁଣା ମହିଳା କ୍ରିକେଟର ।
ବେଦ ଲେଗବ୍ରେକ ବୋଲିଂ କରିବା ସହ ମଧ୍ୟମ ଅର୍ଡର ବ୍ୟାଟର୍ ଭାବେ ମଧ୍ୟ ଖେଳିଥାନ୍ତି । ବେଦ ଭାରତ ପାଇଁ ୪୮ ଟି ଦିନିକିଆ ଏବଂ ୭୬ ଟି -୨୦ ଅନ୍ତର୍ଜାତୀୟ ଖେଳିଛି । ବେଦ ଦ୍ରୁତ ବ୍ୟାଟିଂ ପାଇଁ ଜଣାଶୁଣା ।
ବେଦ ଦିନିକିଆରେ ୮୨୯ ଏବଂ ଟି-୨୦ରେ ୮୭୫ ଇଣ୍ଟରନ୍ୟାସନାଲ ରନ୍ କରିଛନ୍ତି । ଏକ ଦିନିକିଆ ଇଣ୍ଟରନ୍ୟାସନାଲରେ ବେଦ ମଧ୍ୟ ତିନିଟି ୱିକେଟ୍ ନେଇଛନ୍ତି । ଅର୍ଜୁନ ଏହି ପ୍ରସ୍ତାବର ଫଟୋ ସେୟାର କରିଛନ୍ତି, ଯାହା ବେଦ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ମଧ୍ୟ ସେୟାର କରିଛନ୍ତି ।
